Sapaly zań – qoǵam baılyǵy

 Ulttyq akademııalyq kitaphanada memlekettik áleýmettik tapsyrys máselelerin zań jolymen jetildirýge qatysty dóńgelek ústel bolyp ótti, dep habarlady Parlament Májilisiniń baspasóz qyzmeti. Dóńgelek ústeldi Parlament Má­ji­lisiniń Áleýmettik-mádenı damý komıteti, «Nur Otan» HDP-nyń Parlament Má­jilisi fraksııasy janyndaǵy Qoǵamdyq uıym­dar­men baılanys jónindegi keńesi, Máde­nıet mınıstrligi, «Qazaqstannyń aza­mat­tyq Alıansy» ZTB uıymdastyrdy. Bul basqosýda «Qazaqstan Respýblıkasynyń keı­bir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týra­ly» zań jobasy talqyǵa tústi. Osy shara Parlament Májilisiniń negizgi is-sharalar josparyna sáıkes ótkizildi. Otyrysqa Parlament Májilisiniń de­pýtattary, «Nur Otan» HDP-nyń Parlament Májilisindegi fraksııasy janyndaǵy Qoǵamdyq uıymdarmen baılanys jónin­degi keńestiń músheleri, zań jobasy boı­ynsha jumys tobynyń músheleri, Májilis Apparatynyń ókilderi, zań jobasyn ázir­leý­shiler – Mádenıet jáne Qarjy mı­nıstrlikteriniń jaýapty qyzmetkerleri, úkimettik emes uıymdardyń basshylary men ókilderi qatysty. Basqosýdy júrgizgen Parlament Má­ji­lisi Áleýmettik-mádenı damý komıtetiniń tóraıymy Dınar Nóketaeva kirispe sóz sóıledi. – Qazaqstan Prezıdentiniń 2006 jylǵy 25 shildedegi Jarlyǵymen bekitilgen Qa­zaqstan Respýblıkasynda azamattyq qoǵamdy damytýdyń 2006-2011 jyldarǵa arnalǵan tujyrymdamasynda «Ykimettik emes uıymdar segmentinde memlekettik áleýmettik tapsyrysty qalyptastyrý tetigin jetildirý men onyń ashyqtyǵyn qamtamasyz etý, ony iske asyrý tetigi men rásimderin jaqsartý, YEU-nyń basym áleýmettik baǵdarlamalar men jobalardy aıqyndaýǵa qatysýy máselelerin kózdeý jáne Memleket pen YEU-nyń ózara is-qımyl úderisin tutastaı tereńdetý, ási­rese, óńirler men aýyldyq jerlerde YEU bóligin damytýdy qoldaýdyń ınstıtýttyq jáne uıymdyq bazasyn nyǵaıtý qajet» dep atap kórsetilgen, – dedi Dınar Nó­ketaeva. – Búgingi tańda jalpy memlekettik áleýmettik tapsyrys máselelerine qatysty jınalyp qalǵan birqatar problemalar bar. Onyń ishinde memlekettik áleýmettik tapsyrysty iske asyrýdyń qoldanystaǵy tetikteriniń jetilmegendigi, ony júzege asyrý barysynda týyndaıtyn qoǵamdyq qatynastar sýbektileriniń qajettilikteri men olardyń is-áreketterin reglamentteý máseleleri, onyń ishinde quqyqtary men mindetterin aıqyndaýy, memlekettik áleý­­mettik tapsyrysty ortalyq jáne jergilikti deńgeılerdegi bólý tájirıbesin keshendi zertteý qorytyndylary men atal­ǵan másele boıynsha qoǵamdyq pikirlerin aıtýǵa bolady. Sondyqtan úki­mettik emes uıymdardy memleket tara­pynan qoldaý júıesin odan ári jetildirý, memlekettik tapsyrysty iske asyrýǵa bólinetin bıýdjet qarajatyn tıimdi ıgerýge qoǵamdyq qatynastar sýbek­tileriniń jaýapkershiligin arttyrý, memlekettik áleýmettik tap­syrysty bólýde memlekettik saıasattyń basymdyqtary men respýblıkadaǵy jáne jekelegen óńirlerdegi áleýmettik-eko­no­mı­kalyq damý qajettilikterin eskerý kerek ekendigi sózsiz. Kelesi kezekte Mádenıet mınıstr­liginiń jaýapty hatshysy Janna Qurman­ǵalıeva baıandama jasady. Parlament Májilisiniń depýtaty atalǵan zań jobasy boıynsha qurylǵan jumys tobynyń jetekshisi Gúlnar Seıitmaǵanbetova atqa­rylǵan jumystar men talqylaý barysy týraly aıtyp berdi. Al Parlament Má­jilisiniń depýtaty, «Qazaqstannyń aza­mat­tyq Alıansy» zańdy tulǵalar bir­les­tiginiń prezıdenti Aıgúl Soloveva óz usy­nystaryn jetkizdi. Sondaı-aq «ARGO» azamattyq qoǵamdy damytý qaýym­dastyǵy» ZTB dırektory Jámıla Asanova óz pikirin bildirdi. Qatysýshylar pikiri durys zań qabyldasaq, ol bárimizge abyroı ákeledi degen bir arnada toǵysty.