Zııatkerlik menshik altyn qorynan baǵaly

Parlament Májilisiniń Zań­na­ma jáne sot-quqyqtyq reforma komıtetiniń uıymdas­tyrýy­men «Qazaqstan Respýb­lı­kasy­nyń keıbir zańnamalyq aktilerine zııatkerlik menshik máse­le­le­ri boıynsha  ózgeris pen to­lyq­tyrýlar engizý tý­raly» zań joba­syna qatysty  dóńgelek ústel ótti, dep habar­la­dy osy pala­tanyń baspasóz qyzmeti. Sharany Májilis depýtaty, Zań­nama jáne sot-quqyqtyq reforma komıtetiniń múshesi Zaǵıpa Balıeva ashyp júrgizip otyrdy. Ol óziniń kirispe sózinde HHI ǵasyr­dyń zııatkerlik menshik ǵasyry dep atalyp júrgeni bárimizge málim. Oǵan bizdiń kózqarasymyz ashyq ta dáleldi. Shynymen ǵylymı-teh­nıkalyq progress dáýiri bastalyp, zııatkerlik menshiktiń rólin ba­ǵa­lamaý múmkin bolmaı qaldy. Osy máseleniń mańyzy sonda, ol tek jeke memlekettik sheńberde ǵana emes, Dúnıejúzilik zııatkerlik men­shik uıymy degen aıdarmen álem­dik deńgeıde talqylanyp jatyr, dedi. Kelesi kezekte Z.Balıeva qaras­tyrylyp otyrǵan máseleniń ózek­tiligine toqtaldy. Meniń baı­qaý­ym­sha pırattyq ónimder Qazaqstan rynogynda ǵana oryn alyp otyr­ǵan joq, elimiz BSU-ǵa múshelikke ótkeli daıarlyq jasap jatqanda zııatkerlik menshiktiń baǵasyn halyq uǵyna bastady dep oılaımyn. Osyǵan oraı Halyqaralyq bıznes jáne menedjment akademııasynyń professory Vladımır Romanov­tyń baıandaýynsha, zııatkerlik menshik qoryn altyn qorynan artyq kó­rip, «biz gaýharǵa teń baılyq­ta­rymyzdy aıaqqa basyp júrmiz. Eń paı­daly isimizdi quqyq buzýshy­lar­dyń qolyna berip qoıdyq», dep shyryldaǵanyn atap ótkim keledi, dedi. Shynynda da zııatkerlik men­shiktiń quqyn qorǵaýdy qamtamasyz etý úshin bar kúsh-qaıratymyz jumsalýy tıis. Zııatkerlik menshikti qorǵaý deńgeıi bárinen buryn tıimdi normatıvtik quqyqtyq bazaǵa baılanysty ekeni belgili. Zańdy jasap qana qoımaý kerek, ol is júzinde oryndalǵany qajet. Sol úshin osy dóńgelek ústel basyna jınalyp, Ádilet mınıstrligi ázirlegen zań jobasyn talqylaý basty maqsat boldy.