Opyrylǵan aǵashtar óńdeýden ótpek

Almatyda Tótenshe jaǵdaılar mınıstri Vladımır Bojko men qala ákimi Ahmetjan Esimovtiń qatysýymen mamyr aıyndaǵy tabıǵat qubylystarynyń saldaryn qalpyna keltirý máselesi týraly jınalys ótti. Mamyr aıynda Jetisý jerinde bolǵan jer silkinisi men qatty daýyldan keıingi zardaptardy joıý máselesi synǵa ushyrady. Qala ákimi 17 mamyrdaǵy daýyl­dan keıin-aq qulaǵan tal men jabyl­ǵan joldy jaqyn kúnderi qalpyna keltiretindikterin jetkizgen bola­tyn. Alaıda Medeý, Shymbulaq jo­ly tazartylǵanymen, kúni búginge deıin taý bókterindegi júzjyldyq alyp aǵashtar sol opyrylǵan qal­pynda jatyr. Ile Alataýy ulttyq saıabaǵynda qulaǵan 90 myń aǵash bul kúnde qurt túskenimen qoımaı, jazǵy órtke de sebepshi bolý qaý­pin týdyrýda. Osy máselelerge qa­tań shúılikken ákimge orman sharýa­shylyǵy mamandary 20 kúnniń ishinde olqylyqty aýyzdyq­taı­ty­nyn aıtty. Ol úshin jumsalatyn qarajat pen eńbek kúshi, ózge de tehnıkalar kórshiles aımaqtardan tartylatyndyǵy eskerildi. Jel qulatqan 3178 aǵashty túbirimen otap, tıisti jerge jetkizý úshin jergilikti bıýdjetten osy ýaqytqa deıin 75 mıllıon teńge jumsalǵan. Ahmetjan Esimov qalanyń jol ınfraqurylymyna zalal keltirmes úshin endigi jerde qaýsaǵan aǵash­tar­dyń mańynan ýaqytsha shaǵyn seh ashyp, kereksiz qaraǵaılardy óńdeýmen jáne qaldyqtarynan ty­ńaıtqysh jasaýdy usyndy. Jınalysta sóz bolǵan ekinshi má­sele – Ile Alataýy ulttyq saıa­baǵy aýmaǵyndaǵy Kishi Almaty kóline quıatyn M.Mámetova muzdy­ǵynyń №6 kóli týraly boldy. Mamyr ba­syndaǵy silkinisten keıin osy ózende «muz jarylyp, jy­rasynda qaýipti sy­zat paıda bo­lypty, sý tasqyny bolýy múmkin eken» deıtin alyp-qashty áńgime el ishin erkin kezgen-di. «Qazsel­den­qorǵaý» memlekettik me­ke­me­siniń mamandary silkinisten ke­ıin-aq atal­mysh aımaqty tekserip, qaýip týdyratyn jaǵdaıdyń joq ekendigin eskertken. Mınıstr men ákim jınalysqa kirmes buryn tik­ushaq­pen kóldiń ahýalyn basyna baryp baıqap qaıtty. «Qazseldenqorǵaý» mekemesiniń bas­tyǵy T.Baımoldaev №6 kólde dál qazir 70-80 santımetrlik qysqy muz­dyń jatqanyn, sýdyń deńgeıi byl­tyr­ǵyǵa qaraǵanda 3,5 metrge deıin tómen ekendigin aıtyp, jurt­shylyq­tyń úreı­lenýi negizsiz ekendigin jetkizdi. Jınalys qorytyndysynda M.Mámetova muzdyǵynyń №6 kóline qalypty sý jınaý isine júıeli túrde monıtorıng júrgizý jáne daýyl­dan keıingi qulaǵan taldar­dyń ornyn tez arada tolyqtyrý jumysyn tııanaq­taý sharasy tapsyryldy. Qanat ESKENDIR, jýrnalıst. Almaty.