Halyqaralyq jobalar qarqyny

Senattyń Agrarlyq máseleler jáne qorshaǵan ortany qorǵaý komı­te­tiniń tóraǵasy Bolat Jylqyshıev pen Izraıldiń SIM janyndaǵy MAShAV halyqaralyq yntymaqtastyq­ty damytý agenttiginiń halyqaralyq jo­balardy ilgeriletý departamenti­niń dırektory Efraım Ben Matı­tıaý­dyń kezdesýinde Qazaqstan men Iz­raıldiń aýyl sharýashylyǵy sala­syn­daǵy ekijaqty áriptestigin damy­tý máseleleri talqylandy. B.Jylqyshıev Qazaqstannyń ag­ro­ónerkásiptik kesheni aldynda tur­ǵan mindetter týraly habardar etip, aýyl sharýashylyǵy salasyn odan ári damytýdy qamtamasyz etetin zań­na­ma­lar týraly áńgimeledi. Izraıl tá­jirıbesin paıdalanýǵa Qazaqstan ta­rapynyń múddeliligi týraly aıta kelip, senator qus ósirý, tamshylatyp sýa­rý, jylyjaı sharýashylyǵyn damy­týda osy zamanǵy tehnologııalar ta­bys­ty qoldanylyp kele jatqanyn atap ótti. «Bizde aýyl sharýashylyǵyndaǵy yntymaqtastyqty kúsheıtý, birlesken jobalardy júzege asyrýda salany jańǵyrtý, ınnovasııany engizý úshin zor múmkindikter bar», dep atap ótti B.Jylqyshıev. Izraıl jaǵy aýyl sha­rýashylyǵynyń damyǵan oqý or­ta­lyqtaryn qurý, Almaty mańynda jańa tehnologııalardy tanystyrý alańda­ryn jasaý týraly nıetterin bildirdi. Depýtattar S.Plotnıkov, J.Nur­ǵa­lıev qatysqan kezdesý barysynda melıorasııa keshenin damytý, ınfra­qu­ry­lymdar jasaý men aýyl sharýa­shy­lyǵy ónimderiniń rynogyn órkendetý jó­nindegi birlesken jumystardyń jo­ba­lary talqylandy, dep habarlady Parlament Senatynyń baspasóz qyzmeti.