Gagarın kýbogy О́skemende boldy

О́tken aptada О́skemenge Qa­zaqstan shaıbaly hokkeıiniń maq­tanyshy, álem, Azııa oıyn­dary­nyń chempıony Vıtalıı Kolesnık Gagarın kýbogyn alyp keldi. Qurlyqtyq hokkeı lıgasy (QHL) osydan 3 jyl buryn Gagarın kýbogyn eń úzdik degen komandaǵa tapsyrý jóninde sheshim shyǵarǵan. Mártebeli kýbok­ty qatarynan eki jyl Tatarstan­nyń «Aq Bars» komandasy ıelense, ótken  jyly bashqurt aǵa­ıyn­dardyń «Salavat Iýlaev» koman­dasy jeńip aldy. Al bul komandada V.Kolesnıktiń óner kórsetip júrgeni belgili. Gagarın kýbogy kúmisten ja­sa­lyp, altyn jalatylǵan, sal­maǵy 19 kılo. Kýbokty О́ske­men­ge ákelgendegi maqsat – jastar boıynda patrıottyq sezimdi qa­lyp­tastyrý. О́skemen bir maqtan­sa, óziniń hokkeıimen maqtana alady. Qazir Qazaqstannyń júzge tarta hokkeıshileri shet elder men kórshi Reseıdiń joǵary lıga­sy jáne QHL-da óner kórsetýde. Kýbok ótken beısenbi kúni Qazaqstan-Amerıka ýnıversıtetine ákelindi. Odan keıin Imperator saýda úıinde kórermender nazaryna usynyldy. Shyǵys Qa­zaqstan oblysynyń ákimi Berdibek Saparbaev «Vostok» sta­dıo­nynda Vıtalıı Kolesnıkke qur­met kórsetip, ıyǵyna shapan jap­ty. Ol myńdaǵan jastar aldynda sóz alyp, elimizdiń dańqyn shy­ǵaryp júrgen hokkeıshiden úlgi-ónege alý kerek ekendigine nazar aýdardy. Sol kúni stadıonda ánnen shashý shashyldy. V.Kolesnık óz sózinde Qa­zaq­stan hokkeıiniń keleshekte álem chempıonatynda júlde alýyna múmkindigi bar ekenine toqtala ketti. Azııa oıyndary kezinde Astana men Almatyda jabyq stadıondar salynyp, onda bolashaq chempıondardyń jattyǵyp jat­qan­daryn tilge tıek etti. Ońdasyn ELÝBAI, О́skemen. Sýretti túsirgen avtor. Demeýshilik dem bergen jarys Elbasy Nursultan Nazarbaev byltyr jarııalaǵan «Jańa onjyldyq – jańa ekonomıkalyq órleý – Qazaqstannyń jańa múmkindikteri» atty Joldaýynda «30 paıyzǵa deıingi qazaq­standyqtar buqaralyq sportqa tartylý kerek» dep mindet qoı­ǵany belgili. Memleket basshysynyń bul oıyn iske asyrýda osy kúnderi elimizdiń túkpir-túkpirinde sporttyń buqaralyǵyn art­tyrýǵa basa nazar aýdarylýda. Qazirgi kezde barlyq aýdandarda sporttyń kóptegen túr­leri boıynsha jarystar jıi uıymdastyrylyp turady. Keıde aýdandyq, keıde oblystyq bá­se­keler ótse, keı kezderi res­pýblıkalyq týrnırlerdiń tu­saýy kesiledi. Sondaı aýdan­dar­dyń biri – Almaty oblysynyń Alakól aýdanynan kóptegen bel­­di sportshylardyń shyqqa­nyn jaqsy bilemiz. Dzıýdodan Olımpııa oıyndarynyń júlde­geri Aı­dyn Smaǵulov, erkin kú­resten Afına  men Beıjiń Olım­­pıada­syna qatysýshy, Azııa kýbo­gy­nyń ıegeri Baýyrjan Oraz­ǵa­lıev, taı-bokstan álem chem­pıo­natynyń eki márte júl­de­geri Almas Saqaev, sambodan álem chempıonatynyń júlde­ge­ri, Azııa­nyń eki dúrkin chem­pıo­ny Erlan Tá­jikov, bokstan KSRO kýbo­gy­nyń ıegeri Rashıd Valıev, ta­ny­­mal jelaıaq Beken Kúreń­keev syn­dy sań­laq­tar­dyń barly­ǵy da osy óńir­diń tú­lekteri. Jýyrda aýdan ortalyǵy – Úsharal qalasynda «Alakól­diń ala doby» atty dástúrli jarys­tyń jalaýy jelbiredi. Ony Baqyt Kárimov basqaratyn «Evgei LTD» kompanııasy uıymdas­tyr­dy. Jalpy, bul azamattyń márt­ti­gi jaıynda el arasynda áńgime kóp. Ol bıznesten túsken qara­ja­ty­nyń edáýir bóligin qaıyr­ym­dylyq sharalaryna jumsaıdy. Sporttyq jarystar uıymdas­ty­ryp, daryndy jastarǵa qamqor qolyn sozady. Aýdandaǵy ár bapker, ár sportshy Bákeńe degen rıza­shylyǵyn bildirýden jalyq­paı­dy. Kárimov tek sportqa ǵana emes, basqa da salalardy nazary­nan tys qaldyrmaıdy. Máselen, Taldyqorǵan qalasyndaǵy «Aı­na­laıyn» balalar úıin óz qam­qor­lyǵyna alyp, qajetti qural-jabdyqtar, kıim-keshek, jıhaz j­á­ne de basqa da zattar satyp alyp bergen. Byltyr bir top múm­kindigi shekteýli balalardy kól­diń jaǵasy men taý bókterine aparyp, 10 kún boıy tegin de­maltty. Mine, bıyl biz sol abzal azamattyń muryndyq bolýy­men ótken jarystyń kýási boldyq. Buǵan deıin «Alakóldiń» ala doby básekesi úsh márte uıym­das­tyrylyp, joǵary deńgeıde ótken bolatyn. Oǵan aýdan aý­maǵynda ornalasqan kásiporyn­dar, memlekettik mekemeler, ás­k­erı garnızondar men aýyl tur­ǵyndary qatysyp júr. Bir aıta keterligi, jarystyń júlde­lik qory da adam qyzyǵarlyqtaı. Máselen, bıyl­ǵy dodada bas júldeni ol­jalaǵan komanda 15 plazma­lyq teledı­dar­ǵa ıe bolsa, ekinshi jáne úshinshi tuǵyrǵa taba­n tiregenderge 15 shań­sor­ǵysh men 15 DVD berildi. Sondaı-aq, jekelegen qap­tal bo­ıyn­sha úzdik dep tanylǵan oıyn­shylar, sport ardagerleri, sport janashylary, osy istiń ba­sy-qasynda júrgen basqa da azamat­tardyń eńbegi eskerýsiz qalǵan joq. Olardyń barly­ǵyna 30-ǵa tarta uıaly telefon tabys etildi. Báske osyndaı ba­ǵaly syı­lyq­tar tigilip jatsa, fýtbol sú­­ıer qaýym aıanyp qal­syn ba. Bıyl ja­rys jolyna 22 komanda shyqty. Bar­lyǵy da jasyl alań­da jaqsy oıyn órne­gin kórse­tý­ge tyrys­ty. Eki kúnge sozyl­ǵan jarys bary­syn­da top­tyq bá­se­ke aıaq­talyp, úshinshi kú­ni júl­de­li oryn­dar úshin ótken báse­ke­de birinshi oryn­dy «Evgei LTD», ekinshi oryndy Jaı­paq aýy­ly koman­dasy, al úshinshi oryn­dy Bes­kól aýylynyń koman­dasy ıelendi. Dastan KENJALIN, Halyqaralyq teńbil dop týrnıri Astanada Shanhaı yntymaqtastyq uıymy elderiniń qurylǵanyna 10 jyl tolýyna oraı 6-10 maýsym aralyǵynda álem jastarynyń alty qurama komandasynyń (U-19) qatysýymen keshe fýtboldan halyqaralyq jasóspirimder týrnıri bastaldy. Is-shara ótken jylǵy 10 qarashadaǵy «Qazaqstan Respýblıkasynyń ShYU-ǵa tóraǵalyq etýiniń is-áreketteri baǵdarlamasyna» sáıkes ótkizilýde. Týrnırge Qytaı, Reseı, Qyrǵyzstan, Tájikstan jáne Qazaqstannyń eki qurama komandasynyń jas fýtbolshylary qatysyp jatyr.