Batyr atyndaǵy saıabaq

Jaqsylyqtyń bári bala­larǵa jasalsyn degen qaǵıda búginde jalǵasyn taýyp otyr. Panfılov aýdanynda búldir­shinder men jastarǵa tamasha tartý retinde «Jastar» saıa­baǵy kúrdeli jóndeýden ótki­zilip, «Jol kartasymen» bó­lin­gen 162 mln. teńge tolyq ıgerildi. Qýanyshtysy – saıa­baq­qa Bólek batyrdyń esimi berilip, El Táýelsizdigine ar­nal­ǵan mádenı sharalar osy jerden bastaý alyp otyr. Erte kóktemde jas kóshet­ter otyrǵyzylyp, jolǵa plıt­kalar tóselgen. Saıabaqtyń ashylýyna halyq kóp jına­lyp, Jarkent qalasynyń tur­ǵyndaryna keremet demalys syılady. – Saıabaqta bir kezderi demalyp, taza aýa jutyp ósip edik. Endi balalarymyz ben nemerelerimiz keldi. Bul – ba­la­lardyń ómiri men den­saý­ly­ǵyna degen tamasha syılyq. Olar osynda qydyrady, ýa­qyt­taryn kóńildi ótkizedi, – deıdi Jarkent qalasynyń tur­ǵyny Uljan Saýranbaeva. Búldirshinder de án salyp, bı bılep, ózderiniń de, ata-analarynyń da kóńilin kó­ter­di. Jańarǵan saıabaq qo­ǵam­dyq-mádenı sharalardyń or­ta­syna aınalatynyn jıynǵa qatysqandar biraýyzdan jetkizip jatty. Jergilikti kásipkerler bı ala­ńyn ashyp, rolıktermen syr­­­ǵanaıtyn oryn salýdy jospar­laǵan. Saıabaqta serýen quryp qana qoımaı, mádenı-kópshilik sha­ralardy da utymdy uıym­das­tyrýǵa múmkindik mol. Kúmisjan BAIJAN, Almaty oblysy.