Áriptestikke múddelestik tanytylǵan kezdesýler

Keshe Aqordada Memleket basshysy Nursultan Nazarbaev jetinshi Búkilálemdik Islam ekonomıkalyq forýmy aıa­syn­da birqatar eki jaqty kezdesýler ótkizdi, dep habarlady Qa­zaqstan Respýblıkasy Prezıdentiniń baspasóz qyzmeti. Memleket basshysy Djıbýtı Respýblıkasynyń Prezıdenti Is­maıl Omar Gelemen kezdesti. Taraptar eki jaqty yntymaqtastyq máselelerin, sondaı-aq 7-shi Bú­kil­álemdik Islam ekonomıkalyq fo­rýmynyń kún tártibin talqy­lady. – Prezıdent myrza, sizdi Qa­zaqstanda kórgenime qýanysh­ty­myn. Bul – sizdiń alǵashqy sa­pa­ryńyz. Jáne de biz sizdiń Islam Konferensııasy Uıymynyń osy mańyzdy ekonomıkalyq sammıtine qatysý týraly qabyldaǵan she­shimińizge rızamyz. Men sizdi sońǵy prezıdenttik saılaýdaǵy jeńisińizben quttyqtaımyn. Sáý­ir aıynda mende de, sizde de mańyzdy is-shara – saılaý ótti. Biz sizdi zor yqylaspen qabyl alamyz. Jalpy, bizdiń Afrıka memleketterimen qarym-qatynas or­nat­qymyz keledi. Siz bizdiń elimizge kelgen alǵashqy Djıbýtı Prezıdentisiz. Bizdiń ekonomıkalyq jáne má­denı yntymaqtastyǵymyzdy, bar­lyq baǵyttar boıynsha art­ty­rý úshin, eki eldiń ıgiligine odan ári yntymaqtastyq orna­typ, bizdiń elimizdi, tarıhyn, má­denıetin, eko­nomıkasyn bilý úshin Qazaq­stanmen tanysýǵa siz­diń múmkin­digińiz bar, – dedi Qa­zaq­stan Prezıdenti Nursultan Nazarbaev. – Eń aldymen, tamasha eli­ńizde kórsetken jyly shyraıly qabyldaýyńyz ben shaqyrýyńyz úshin Sizge rahmet aıtýyma ruq­sat etińiz. Qazaqstan Sizdiń kósh­basshylyǵyńyzben táýelsizdik jyl­darynda óz ekonomıkasynyń tabysty damyǵanyn kórsetti. Bú­gingi bizdiń Qazaqstanǵa kelýimiz sizderdiń elderińizdiń aımaqtaǵy mańyzdy rólin, sondaı-aq ıslam álemindegi bizdiń elderimiz ara­syn­daǵy yntymaqtastyqty jáne ony damytýǵa degen nıetimizdi kór­setedi, – dedi Djıbýtı Res­pýb­lıkasynyń Prezıdenti Ismaıl Omar Gele. – Men Qazaqstan týraly kóp estidim. Biraq elordalaryńyz – Astanany osyndaı áserli, taza jáne ásem qalpynda kóremin dep oılamaǵan edim. Bul – meniń alǵashqy áserim. Jáne adamdary da óte keńpeıil ekenin aıtqym keledi. Bul – bizdiń Prezıdent Nur­sultan Nazarbaevpen birinshi kezdesýimiz. Men Prezıdentke osy kezdesýdiń ótýine múmkindik ja­sa­ǵany úshin alǵysymdy aıta­myn. Biz elderimiz arasyndaǵy, ási­rese, ekonomıka men saýda sa­lalaryndaǵy yntymaqtastyqtyń tetikterin qurý týraly sheshimge keldik. Biz sondaı-aq kópjaqty yntymaqtastyq máselesin talqy­ladyq. Sizderdiń elderińiz IKU-ǵa múshe elder Syrtqy ister mınıstrleriniń keńesin ótkizýge daıyndalýda. Biz Prezıdentpen osy alda turǵan kezdesýdi tal­qy­laý múmkindigine ıe bolǵanymyz úshin óte baqyttymyz. Meniń pikirimshe, qazir Astanada ótip jat­qan Islam ekonomıkalyq fo­rý­my ıslam áleminde úlken ról at­qarady. Forým kezinde qabyl­dan­ǵan sheshimder ıslam elderi arasyndaǵy yntymaqtastyqty odan ári tereńdete túsedi. Men Prezıdentti jáne Qazaqstan halqyn Qazaqstan Respýblıkasy Táýelsizdiginiń 20 jyldyǵymen, sondaı-aq Nursultan Nazar­baev­ty bıylǵy jyldyń sáýirinde ót­­ken saılaýdaǵy tamasha je­ńi­simen shyn júrekten quttyq­taı­myn, – dedi I.Gele kezdesýden keıin. *  *  * Nursultan Nazarbaev Indonezııa Respýblıkasynyń Vıse-prezıdenti Býdıonomen kezdesti. Kezdesý kezinde eki jaqty ynty­maqtastyq máseleleri, sondaı-aq 7-shi Búkilálemdik Islam ekono­mı­ka­lyq forýmynyń kún tártibi talqylandy. – Eń aldymen, sizge Qazaq­stanǵa, bizdiń jańa astanamyzǵa, 7-shi Islam ekonomıkalyq fo­rý­myna qosh keldińiz degim keledi. Biz Indonezııany ózimiz úshin perspektıvaly seriktes, úlken el dep esepteımiz. Sondyqtan eko­no­mıkalyq dostyq jáne saıası qarym-qatynastar ornatýdy ár­daıym qalaımyz. Men sizderdiń elderińizge 1996 jyly jasaǵan saparymdy yqylaspen eske ala­myn. Meniń aldaǵy ýaqytta In­donezııaǵa jasaıtyn saparym bizdiń qarym-qatynastarymyzǵa jańa serpin beretinine senemin. Jáne de bizdiń sizben kezdesýimiz eki eldiń baılanysyn jandan­dyrýǵa úlken septigin tıgizedi. Biz elderimiz arasyndaǵy saýda-ekonomıkalyq, saıası qatynastar men ınvestısııany ornatyp, ke­ńeıtýdi qalaımyz. Qazaqstan eldi ındýstrııalandyrý jóninde úl­ken jumystar júrgizýde. Biz ındonezııalyq isker adamdardy bizdiń baǵdarlamamyzǵa atsaly­sý­ǵa shaqyrǵymyz keledi, – dep atap ótti Nursultan Nazarbaev. – Men osynda bolyp, Qazaq­standy, ásirese, Astanany óz kó­zimmen kórgenime óte qýanysh­ty­myn. Meni Astananyń óte jaqsy josparlanǵany jáne damýy qat­ty tańǵaldyrdy. Prezıdent Nur­sultan Nazarbaevpen kezdesý kezinde eki jaqty yntymaqtas­tyq­ty odan ári kúsheıtý jáne tereń­detýdi, ásirese, saýda men kommersııa salasyndaǵy múmkindikterdi talqyladyq. Prezıdent N.Nazarbaev Indonezııaǵa budan 20 jyl buryn saparmen bardy, sol kezde bizdiń Prezıdentimiz de Qazaq­stanǵa kelgen edi. Keleshek ynty­maq­tastyq úshin senimdi negiz qa­laǵan óte mańyzdy qujat qabyl­danǵan bolatyn. Biz sondaı-aq bizdiń ózara tıimdi dostyq qa­rym-qatynastarymyzdyń ilgerileýin jedeldetý múmkindikterin talqyladyq. Sońǵy jyldary Qa­zaqstan aımaqtyq jáne jahan­dyq deńgeıde, ásirese, ekonomı­ka, saıasat jáne qaýipsizdik sa­lalarynda aıryqsha údemeli ról atqarýda ekenin baıqaımyz. Biz Qazaqstannyń aldynda Eýropa men Azııa arasynda ózara túsi­nistik kópiri retinde óte mańyzdy ról atqarý mindeti turǵanyn kó­rip otyrmyz. Prezıdent kezdesý kezinde Qazaqstannyń Údemeli ındýstrııalyq-ınnovasııalyq damý baǵdarlamasy týraly aıtty. Bul – Prezıdent aıtqandaı, re­sýrstardy eskerip, alǵa umtyl­dyratyn óte bıik mindet. Bul – durys mindet. Bul memlekettik ekonomıkanyń damýyndaǵy óte senimdi jáne uzaq merzimdi mindet. Qazaqstan óziniń ındýs­trııa­lyq-ınnovasııalyq áleýetin da­my­typ, óte durys qadam jasap otyr. Men Prezıdent N.Na­zar­baev­qa Indonezııa osy baǵdar­lamaǵa qatysýǵa jáne Qazaq­stan­nyń damýyna óz úlesin qosýǵa daıyn ekenin aıttym. Indonezııa halqy men úkimeti atynan men Qazaqstan halqyn jáne onyń Kóshbasshysyn el Táýelsizdiginiń 20 jyldyǵymen shyn júrekten qut­tyqtaımyn. Biz sizderdi ár­daıym qoldaıtyn bolamyz demek­pin, – dep atap ótti Indonezııa Vıse-prezıdenti Býdıono kezdesýden keıin. ----------------------------------------- Sýretterdi túsirgender S.BONDARENKO, B.OTARBAEV.