Táýelsizdik syıy

Oblys ortalyǵynyń 860 kishkentaı turǵyny Elbasy tap­syr­masynda aıtylǵan memlekettik «Ba­lapan» baǵdarlamasynyń ar­qa­syn­da osyndaı jańa balabaq­shalar esigin ashty. Ata-analar da qýanyshty. Qala ákimi Ba­qyt­jan Jolama­novtyń aıtýynsha, jyl saıyn ba­labaqshalardyń da sa­­ny artyp keledi, sonymen qa­tar, kezekte turǵan otbasylardyń da qatary kóbeıip keledi. Bul – qala turǵyndarynyń áleýmettik jaǵ­daıy jaqsaryp, de­mogra­fııa­lyq kór­setkishtiń óskeni­niń belgisi. Al, jalpy bıylǵy jy­ly ob­lys boı­ynsha «Balapan» baǵ­dar­la­­ma­sy aıa­synda 20 balabaq­sha, mektepter ja­nynan 100 sha­ǵyn or­ta­lyq paı­da­lanýǵa berilipti. Jyl basynan beri qala boı­ynsha 2 myń­ǵa tarta búldir­shin baqshaǵa baryp, jańa­dan 300 jumys or­ny ashylyp­ty. Al, Sháken Aımanov at­yndaǵy kó­shedegi ja­ńadan ashyl­ǵan №22 ba­la­baqsha 240 balaǵa arnalǵan. Mun­da qa­zaq jáne or­ys tilderinde tá­lim-tárbıe beretin birneshe top bar. Baqsha dı­rektory Irına Go­lýb­­nı­chaıanyń aıtýynsha, munda qa­la boıynsha týberkýlez taıaqshasyn juqtyr­ǵan balalar emdeledi. Iаǵ­nı, den­saýlyǵy erekshe kútimdi qa­jet etetin búldirshinder úshin bar­lyq jaǵdaı jasalǵan. Dene shy­nyq­­tyrý zaly, fızıo kabıneti men mý­zy­ka zaly bar. Qaı ba­labaqsha bol­masyn, zaman tala­byna saı ja­ńa quraldarmen, jı­hazdarmen jab­dyq­talǵan. Al, qa­lalyq bilim bó­li­miniń habaryna qaraǵanda, ke­­zinde túrli mekemelerge ótip ketken 8 balabaq­sha­nyń ǵıma­ra­ty qaıta­ry­lyp, bul kúnderi jón­deý jumys­ta­ry júr­gizilýde desek, «Qazaqstan alıýmınııi» aksıonerlik qoǵamy óz qarjysyna ja­ńa balabaqsha ǵı­ma­ratyn sa­lyp, qalanyń kommý­nal­dyq menshigine tabys etipti. Búgingi tańda oblys ortalyǵynda 53 ba­la­baqsha jáne qaladaǵy 20 mektep janynan ash­yl­ǵan shaǵyn ortalyq­tar bar. Qa­zirgi ýaqytta osy mekemelerde 5-6 jas shama­syn­daǵy 1200 bal­ǵyn tárbıele­nýde. Shaǵyn orta­lyq­tardyń bar­lyǵynda bala­lar­ǵa jaǵdaı jasal­ǵan. Basqa ju­mys­tarǵa ketip qal­ǵan tárbıeshi mamandar qazir qaıta oralyp jat­qan kó­rinedi. Mundaı ma­man­dardyń bilim deńgeıin art­tyryp, tájirıbe al­ma­sýy úshin arnaıy kýrstar uıym­das­tyrylyp, semınarlar ótkizilýde. Bir aıta ketetin jáıt, oblys ortalyǵynda lısenzııasy bar 3 jeke menshik mektepke deıingi mekeme qyzmet kórsetedi. Osy jyl­dyń sońyna deıin taǵy da 2 jeke menshik balabaqsha ruqsat qaǵazyn almaq. Al keler jyly osy atal­ǵan mekemeler memlekettik tap­sy­rys­qa ıe bolyp, ba­labaqsha kezegindegi on­daǵan búl­dir­shinniń óti­nish­terin orynda­maq­shy. Jeke men­shik bala­baq­­sha­larǵa oǵan jaqyn mańda or­nalasqan memlekettik mektepke deıingi mekemelerde kezekte tur­ǵan balalar ǵana shaqyrylady. Biraq olardyń memlekettik ba­la­baq­sha­lar­daǵy kezegi saqtala­dy. «Artyq­shylyǵy, jeke menshik balabaq­sha­lar­dyń ishinde memlekettik tapsy­rys boıynsha qabyldanǵan ár balaǵa respýblıkalyq bıýdjetten belgili bir mólsherde qarajat bó­linedi de, qalǵan shyǵynyn, shamamen 40-50 paıyzyn ata-anasy tó­leıdi. Sondyqtan, oblys ortaly­ǵyn­da kezek kútip turǵan ár ba­laqaı esepte. Bizdiń aldaǵy jumys josparlarymyz balabaqshalar sa­nyn kóbeıtip, ár otbasyǵa qýanysh syılaý, – deıdi qalalyq bilim bóliminiń mamandary. Farıda BYQAI. Pavlodar.