Aq jeıde, sary jeıde «Astanada»

«Astana» velokomandasynyń áıgili Giro d’Italya velojarysyn qorytyndylaý boıynsha Velosport federasııasynyń prezıdenti Qaırat Kelimbetov pen komandanyń negizgi demeýshisi «Samuryq-Qazyna» UÁQ basqarýshy dırektory Darhan Káletaev velokomandanyń jetistikterimen jáne bolashaqtaǵy josparlary týraly málimettermen bólisti. Kezdesýde Q.Kelimbetov áýeli «Astana» (Proteam Astana) ká­sip­qoı komandasynyń Giro d’Italya saıysyna qatysqan 23 koman­da­nyń arasynda top jaryp, eń júırik komanda retinde jeńiske jetkenin, osyǵan baılanysty «As­tana» komandasynyń qurme­tine Mılannyń ortalyǵyndaǵy Giro d’Italya minberinde Qazaq­stan Respýblıkasynyń ánurany tuńǵysh ret shyrqalǵanyn aıtty. – Eldi sporttaǵy osyndaı ta­bystar arqyly dúnıe júzine ta­nytý kez-kelgen elge buıyra bermeıdi. «Astana» – Elbasy Nur­sultan Nazarbaevtyń tikeleı qol­daýymen qurylǵan komanda retinde búginde óte erekshe joba ata­nyp otyr. Osy veloko­man­da­nyń arqasynda ınvestısııa tar­týǵa, eldiń týrıstik múmkin­dik­terin ta­nystyrýǵa jaǵdaı ja­sal­dy. Jal­py, joba, Qazaqstan­nyń óte sátti sporttyq, PR-jo­balarynyń biri. Sondyqtan Mı­lannyń tórinde eli­mizdiń ánura­nynyń tuńǵysh ret shyrqal­ǵa­nyn biz bolashaqtaǵy bar­lyq jeńisterdiń bastamasy dep senemiz, – dedi ol. Osy jarysta «Astana» ko­man­dasynyń kóshbasshysy, cheh veloshabandozy Roman Kroısı­gerdiń eń úzdik jas shabandoz retinde aq jeıdeni jeńip alǵanyn bilemiz. Al komandanyń taǵy bir ókili Paolo Tıralongonyń kóp kúndik saıystyń máresine eki kún qalǵanda Bergamo jáne Makýnıaga qalalarynyń arasynda­ǵy qashyqtyq-saıystyń eń qıyn kezeńinde jeńiske jetkeni málim. Osy oqıǵaǵa baılanysty Q.Kelimbetov pen D.Káletaev koman­danyń jarystaǵy ónerine qana­ǵattanatynyn, onyń jalpyko­man­­dalyq esepte birinshi oryn­dy ıelenýine komandanyń bas bapkeri Team manager Djýzeppe Martınellıdiń, massajıster men tehnıkterdiń sińirgen eńbegi zor ekenin aıtty. Aıta keterligi, «As­tana» komandasy osy maý­symda óz qataryn biraz jastarmen tolyqtyrǵan edi. Sonyń ná­tıjesinde komandaǵa Roman Kroı­sıger sııaqty biraz talant­ty veloshabandozdar alynyp, ja­rys­taǵy taktıkaǵa talap kúsheıdi. Kezdesýde D.Káletaev koman­da­nyń qazirgi bıýdjetine baıla­nysty málimetter keltirdi. On­yń aıtýynsha, komandanyń qarjy­lyq qory jylyna 15 mln. eýro­ny quraıdy. Osydan basqa «As­tanaǵa» qarjylaı jaǵynan qol­daý kórsetip jatqan eki demeýshisi bar. «Speshıal aıs» kom­pa­nııasy komandaǵa 1,5 mln. eýro bólse, ıtalııalyqtar 200 myń eýro bólip otyr. Sonymen birge «Astana» týrlardan túsken qar­jymen de qamtamasyz etiledi. Máselen, Giro d’Italya saıysy­nan ujym 50 myń eýro paıda túsirdi. «Komandanyń bıýdjeti 3 jylǵa belgilenedi, – dedi ol. – Bıyl ekinshi jyl ótip jatyr. Endi biz kelesi jylǵa bıýdjetimizdi taǵy bekitemiz. Búginde Ha­lyqaralyq velosport federa­sııa­synyń talaby boıynsha týr­larǵa qatysyp jatqan kásipqoı komandalardyń báriniń qory 15-20 mln. eýrony quraıdy». Qar­jy máselesine baılanysty Q.Ke­limbetov kelesi jyly bekitiletin bıýdjette jańadan qury­latyn «Astana trek» koman­da­syn da qarjylandyrý kózdelip otyrǵanyn málimdedi. «Astana-trek» atty kásipqoı trek koman­da­sy retinde 2011 jyldyń naý­ryz aıynda tirkeldi. Ol koman­danyń da bas demeýshisi «Sam­ur­yq-Qazyna» UÁQ. Komandanyń bas bapkerligine qazaqstandyq ma­man Valerıı Kravchenko shaqy­ryl­ǵan. Onyń arenasy Astana­daǵy respýblıkalyq velotrek bolady. Bul ujymǵa biz otandyq velosportshylardy tartýdy maq­sat etip otyrmyz», – dedi ol. Onyń aıtýynsha, Astanada 4-6 qarasha kúnderi álemdik trek ký­bogy úshin bedeldi halyqaralyq jarystar ótedi. Oǵan álemniń 45 elinen 500 sportshy keledi dep josparlanýda. Kezdesýde aıtylǵan taǵy bir nárse, tamyz aıynda ótetin «Týr de Frans» jarysyna arnaldy. Onda qazaqstandyq sportshy, ál­em­ge áıgili veloshabandoz Aleksandr Vınokýrov komandanyń ka­pıtany bolady delinýde. Qazir ol osy kúnderi ótip jatqan kóp­kúndik jarysta eki jeti qata­rynan sary jeıdeni eshkimge ber­meı otyr. Q.Kelimbetov ataq­ty otandasymyz úshin Týr de Frans sporttyq karerasyndaǵy sońǵy jarysy bolatynyn, odan keıin ol Velosport federa­sııa­sy­nyń prezıdenttigine usynyla­tynyn málimdedi. «Men fede­rasııaǵa eki jyl qatarynan jetekshilik ettim. Endi onyń bas­shylyǵyna saılanbaımyn. Bul orynǵa Aleksandr Vınoký­rov­tyń kelgenin qalaımyn. «Astana» komandasy búkil qazaq­stan­dyq velosporttyń damýyna yq­pal etip otyrǵan komanda. Osy jyldyń mamyr aıynan bastap, jas talantty veloshaban­doz­dar­ǵa shákirtaqy taǵaıyndalyp, berile bastady. «Astana» Qazaq­stan­nyń velotrektegi jarysqa yń­ǵaılanǵan ulttyq qurama­lar­dy kıimmen jáne qazirgi zamanǵy sporttyq ınventarmen qamta­masyz etip otyr. Aleksandr Vınokýrov prezıdenttikke saılansa, osy joldy ári qaraı jal­ǵastyra beretinine senemin», – dedi Q.Kelimbetov. Anyqtama úshin: «Proteam Astana» kásibı velo­komandasy óziniń tarıhyn 2006 jyldan bastady. Ár jyldary komandanyń demeýshisi «Qazaq­stan Temir Joly», «Kazsınk», «Qaz­mu­naı­gaz», «Qazaqmys», «ENRC Ma­na­gement KZ» bol­dy. 2009 jyldyń qarasha aıynan beri komandanyń bas demeýshisi «Samuryq-Qazyna» UÁQ. Komanda Velosport federa­sııa­­­synyń basqarýynda. Jyl­dyq bıýdjeti 15 mln.eýro. Komanda qu­ramyna 27 veloshabandoz kiredi, onyń 11 Qazaqstan sportshylary. Komandanyń resmı saıty: http://proteam-astana.com. Dastan KENJALIN.