Qýanyshtyń kóz jasy

Palatalas tanysym Vıktor Grıgorevıch Kım eki qolymen basymdy ustap, ózine burdy da aqyryn ǵana kúbirlep, «Men seniń betińdi kórip turmyn», dedi. Onyń kózi jasaýrap turdy. Bul qýanysh pen rızashylyqtyń kózjasy edi: ol jaryq dúnıeni qaıtadan kóretin boldy. Eshkimniń kómeginsiz-aq ózi júre alady. Vıktor Kım alysta qalǵan 1978 jyly oń kózinen aıyrylǵan bolatyn, dıag­nozy: sý qarańǵy soqyrlyq. Sońǵy jyldary sol kózi de syr berip, nashar kóretin boldy, óz betinshe júrýden qaldy. Qazaqtyń kóz aýrýlary ǵylymı-zertteý ınstı­tý­ty­na ústi­mizdegi jylǵy naýryz aıynyń basynda kvota boı­yn­sha kelip jatqan eken. Osy jerde keremet adamdardyń qolyna tústi. Jasalǵan operasııalardan keıin onyń sol kózi jartylaı kóretin boldy. Palatada bizder Vıktor Grıgorevıchten basqa beseýmiz. Onyń keremet kóńil-kúıin ádemi túsinip turmyz, óıtkeni, bárimiz derlik sol kisiniń jaǵdaıyndamyz. Vıktor Kım sı­ıaq­ty osy ınstıtýtqa Astana qalasynyń turǵyny, kom­mý­nal­­dyq kásiporynnyń júrgizýshisi Vladımır Rýdenko da, Túrkistan qalasynda turatyn slesar Erǵalı Eshimbaev ta eshteńe kórmeıtin bolyp kelgen. Aqtóbe qalasynan kelgen Q.Mahambetov pen Almaty oblysynyń Ile aýdanynan A.Gos­man kózderine qıyn operasııalar jasatqan. Olardyń j­a­narlaryna júrgizilgen sharalar da oń nátıje berdi. Osy joldardy jazyp otyrǵan meniń de sý qarańǵy soqyr bolyp qalýym múmkin edi. О́ıtkeni, Petropavl qalasynda meniń kózimdi qaraǵan dáriger osyndaı qatal úkim shyǵarǵan. Tipti aýrý tarıhynda osylaı dep jazylǵan da bolatyn: «kórý qabiletin qalpyna keltirý jóninde operasııalyq emdeýdiń perspektıvasy joq». Almatydaǵy kóz ınstıtýty týraly estigenderim, ınternetten taýyp oqyǵandarym aldymen úmit otynyń tutanýy­na sebep bolsa, 14 kúndik keshendi emdeý eki kózimniń de kó­rý múmkindigin áldeqaıda jaqsartty, antımetabolıt engize otyryp krıoretınopeksııa júrgizý osyndaı nátıje berdi. 2002 jyldan beri kóz aýrýlary ınstıtýtyn elimizdiń Densaýlyq saqtaý mınıstrliginiń shtattan tys bas oftal­mology, Qazaqstan oftalmologtar qoǵamynyń prezıdenti, S.J.Asfendııarov atyndaǵy Qazaq ulttyq medısına ýnı­versıtetiniń oftalmologııa kafedrasynyń meńgerýshisi, medısına ǵylymdarynyń doktory, professor Tursyngúl Kópjasarqyzy Botabekova basqaryp keledi. Osy jyldary medısınalyq mekeme óz qyzmetiniń barlyq salasynda halyqaralyq standarttarǵa saı joǵary nátıjelerge qol jetkizdi. Qazirgi kezde munda kóz aýrýlaryna shaldyqqan adamdarǵa joǵary bilikti kómektiń barlyq túrleri dıagnostıka men emdeýdiń osy zamanǵy tehnologııalaryn paıdalana otyryp kórsetiledi. Instıtýtta jyl saıyn 5 myńnan astam aýrýlarǵa asa qajetti kómek kórsetiledi, 6 myńǵa jýyq operasııa jasalady. Tursyngúl Kópjasarqyzy ǵylymı kadrlardy ósirýge jáne tárbıeleýge, sol sekildi óz qyzmetkerleriniń biliktiligin arttyrýyna aıryqsha mán beredi. Instıtýtta medısına ǵylymdarynyń 10 doktory, 25 kandıdaty jumys isteıdi. 33 dárigerge joǵary biliktilik dárejesi berilgen. Olardyń ǵylymı eńbekteriniń nátıjesi 170 avtorlyq kýálik, ónertabysqa beriletin eki eýrazııalyq jáne eki halyqaralyq patent bolsa kerek. Instıtýt dırektory bas dáriger, medısına ǵylymda­ry­nyń doktory M.Súleımenovti, 2-bólimsheniń meńgerýshisi, ǵylym kandıdaty E.Qanapııanovany, 3-bólimsheniń meńge­rý­shisi ǵylym kandıdaty N.Aldashevany, ınnovasııalyq tehnologııalar bóliminiń meńgerýshisi, ǵylym doktory Z.Jumataevany, jetekshi balalar oftalmology, ǵylym kandıdaty Q.Kenjebaevany maqtanysh etedi. 2004 jyly kóz aýrýlary ǴZI «Iskerlik praktı­ka­syn­daǵy joǵary sapa úshin» halyqaralyq qorynyń altyn medaline ıe boldy. Emdeý mekemesi Asfendııarov atyndaǵy medısına ýnıversıtetiniń jáne Qazaqstan-Reseı medısına ýnıversıtetiniń oftalmologııa kafedralary úshin klını­kalyq baza bolyp tabylady. Munda operasııalyq-trena­jer­lyq ortalyq ashylyp, mıkrohırýrgııalyq operasııa­lar­dy meńgerý múmkindigi beriledi. Bul jetistikterdiń bári de T.Botabekova basqaratyn ınstıtýt ujymynyń qajyrly eńbeginiń nátıjesi bolsa kerek. Jeńis JAQIN. Soltústik Qazaqstan oblysy, Jambyl aýdany, Blogoveshenka aýyly.