Aýyldyqtar «Araıdyń» granttaryna ıe boldy

Munaıly óńirde jumys istep jatqan  Reseıdiń «Lýkoıl» kompanııasy 2010 jyldan bastap,  aýyldy ajarlandyrýǵa ar­nalǵan «Araı» áleýmettik baǵ­darlamasyn oblysta birinshi bo­lyp Muǵaljar aýdanynda júze­ge asyrýdy qolǵa aldy.  Nátı­jesinde  45 mln. teńge bolatyn 57 joba jeńimpaz dep tanylyp, osynshama kásipker óz isin ashyp, jumystaryn jandandy­ryp ketti. Kompanııa bıyl osy «Araı» áleýmettik baǵdarlama­sy­nyń kókjıegin keńeıte tústi. Bul joba Muǵaljar aýdanymen qatar, Baıǵanın, Temir aýdanda­rynda da júzege asyrylatyn boldy. Baǵdarlamanyń bir ereksheligi, halyqtyń az qamtylǵan tobyn – oralmandardy, múmkin­digi shekteýli jandardy, kóp ba­la­ly otbasylar men jumys­syz­dardy qamtıtyndyǵynda deý oryndy. Ústimizdegi jyly kompanııa­nyń 850 myń teńgege deıin óteýsiz beriletin granttaryna ıe bolý úshin jarııalanǵan konkýrs­qa osy úsh aýdannan 1080 ótinish túsip, sonyń  95-i jeńimpaz bol­dy.  Ǵazıza Jubanova atyndaǵy oblystyq fılarmonııada konkýrs  jeńimpazdaryna grant ser­tı­­fı­kattary saltanatty jaǵdaıda ta­bys etildi.  Kompanııa kómegimen oblysta qosymsha 15 mal, 4 qus ósiretin ferma,14 shashtaraz, 13 tigin sehy, 7 aıaq kıim jóndeý sheberhanasy, 4 naýbaıhana men kondıter sehy, 4 kompıýter or­ta­lyǵy, 2 dıirmen jáne basqa kóp­tegen shaǵyn kásipkerlik ny­san­daryn ashýǵa múmkindik týdy. Sonymen birge, aldaǵy ýaqytta kompanııa jumys isteıtin aýdan­dardaǵy aýyldyq jerlerde mal dárigerlik emhana, úgý bólmesi, qýyrshaq teatry, perde, plastık jáne shlakty-beton buıymdaryn shyǵaratyn sehtar, aǵylshyn tilin oqyp-úırený ortalyqtary, dárihana sııaqty mekemeler ha­lyqqa qyzmet kórsetetin boldy. – Bizdiń aýyldan  alty adam kompanııanyń óteýsiz beriletin grantyn jeńip aldy. Olardyń bári de halyqtyń  áleýmettik ál­siz tobyna jatady. Eki adam ult­tyq kıim jáne basqa buıymdar tigetin seh, al qalǵandary aıaq­kıim sheberhanasyn, shashtaraz, qolóner buıymdaryn jasaıtyn seh jáne mal ósiretin shaǵyn ferma ashýǵa talaptanyp otyr. Bul baǵdarlama  jumyssyzdardy kemitýge, ásirese, óz isin ashýǵa bankten nesıe alýǵa múmkindigi joq  az qamtylǵandardyń qatarǵa qosylyp ketýine múmkindik beredi. О́ńirde jumys isteıtin sheteldik kompanııalardyń bári osyn­daı qadamdarǵa barsa, aýyldyq jerdiń shyraıy kirip, turmysy túzeler edi,– deıdi Baıǵanın aý­dany Kóltaban selolyq okrýgi­niń ákimi Súleımen Bitimbaı. Jalpy, «Araı» áleýmettik baǵdarlamasy aýyl turǵynda­ry­nyń ál-aýqatyn kóterýge, aýyl kásipkerleriniń iskerlik jáne shy­ǵarmashylyq belsendiligin art­­tyrýǵa, jańa jumys orynda­ryn ashýǵa yqpal etedi, shaǵyn bız­nestiń damýyna, halyqtyń eń­bekpen qamtylýyna, eldi mekenderde ınfraqurylymnyń qalyp­tasýyna berik negiz qalaıdy. Sondyqtan da bul baǵdarlama oblys ákimdigi men halyqtan zor qoldaýǵa ıe bolyp otyr. Satybaldy  SÁÝIRBAI. Aqtóbe oblysy.