Bas qalaǵa bas teatr keldi

Maýsymnyń 10-12-i kúnderi el Táýelsizdiginiń 20 jyldyq merekesi qurmetine K.Baıseıitova atyndaǵy Ulttyq opera já­ne balet teatrynda M.Áýe­zov atyndaǵy Qazaq memlekettik akademııalyq drama teat­ry­nyń gastroli ótpek. Gastroldik saparmen elorda jurtshylyǵyna óner kórsetýge kelgen teatr ujymynyń tor­qa­ly toıǵa tartý retinde usyna­tyn qoıylymdary – Q.Ysqaq pen Shahımardenniń «Qazaqtar» eki bólimdi tarıhı dramasymen (qoıýshy rejısseri Tuńǵyshbaı Ál-Tarazı) bastalyp, qyrǵyz dra­matýrgy B.Jákıevtiń «Jú­reı­ik júrek aýyrtpaı» drama­lyq týyndysymen (rejısseri Es­muhan Obaev) jalǵasyp, M.Áýezovtiń «Abaı» tragedııa­sy­men (rejısseri Esmuhan Obaev) qorytyndylanady dep kútilýde. Qazaq teatr óneriniń qarasha­ńyraǵy sanalatyn ákemteatr­dyń repertýardan osynaý úsh spektakldi tańdap alýynyń óz­in­dik sebebi bar. «Qazaqtar» qazaq halqynyń óz aldyna memleket bolyp qalyptasý kezeńin qamtysa, maqsaty túbi bir, tili ortaq túrki órkenıeti qaıtadan bir ıdeıa tóńiregine toptasyp, judyryqtaı jumylsyn degendi kózdeıdi. «Júreıik júrek aý­yrt­paı» spektaklinde áke, bala, kelin men nemere arasyndaǵy qarym-qatynastyń qatparlary qanyq boıaýynda óriledi. Urpaq jalǵastyǵy, otbasylyq jara­sym, halqymyzdyń úlkenge qur­met, kishige izet, ımandylyq pen ıbalyq qasıetteri qasterlense, oshaqtyń baqyty degen sol emes pe? Biraq ómir aǵysy múlde basqa arnaǵa túsirip áýreledi. Spektakl keıipkerleri – jany jabyrqaǵan qarııa, sholaq oımen kesip-piship júrgen beıapar kelin, ez ul, óz úıi men týǵan anasynan jylý tappaǵan boıjetken taǵdyry tolǵantady. Qarııa ulynyń ata-babadan kele jatqan eski qonysyn satýyna qarsylyq bildirip júrgende, munan da soraqy oqıǵa júrekke oıyp jara salady. Ony qarttar úıine ótkizip jiberedi. «Abaı» tragedııasy – aty aıtyp turǵandaı, uly aqynnyń soqtyqpaly, soqpaqty ómiri qa­pysyz beınelengen qoıylym, qazaq janynyń jańa tańǵa ıek artqan ıgi bastaýlary barynsha nanymdy kórinis tabatyn, salt-sananyń rýhanı uıytqysy Abaı bolmysy aldyńǵy qatarǵa qoı­yl­ǵan biregeı týyndy. Sahna­lyq shyǵarmalardaǵy basty beınelerdi somdaýda S.Orazbaev, T.Ja­manqulov, T.Tasybekova, A.Bektemir, R.Hadjıeva, J.Ámi­rov, O.Qıqymov, Ú.Seıtimbet, D.Aq­­molda, A.Boranbaı, E.Bi­lá­lov, B.Turys, D.Júsip, Sh.Ja­nys­bekova sııaqty belgili ár­tis­ter­men qatar Q.Mamytqalıev, E.Da­ıyrov, B.Mańjigitov, G.Shyń­ǵysova syndy jastar óneri de jańa qyrynan tanylmaq. Qarashash TOQSANBAI.