Balǵyn ónerpaz Bas júldeni jeńip aldy

Bıylǵy halyqaralyq balalar kúnin Máskeý qalasynda qarsy alǵan balǵyn talanttarymyz da bar. О́nersúıer qaýymǵa erekshe qabiletimen ta­nylyp júrgen 10 jastaǵy Aıbek Ernazardyń esi­mi bizge buǵan deıin de tanys bolatyn. Osy óre­nimiz Máskeý qalasynda ótken «Balalar ala­qa­nyndaǵy kún» atty halyqaralyq baıqaýdyń bas júldesin – Gran-prıdi jeńip alyp, týǵan qalasyna qýanyshpen oraldy. Almaty qalasyndaǵy №175 Jańa ǵasyr gım­na­zııasynda oqıtyn Aıbek jýyrda ǵana uıymdas­ty­­rylǵan jas ón­er­pazdardyń respýblıkalyq «Shat­tyq» festıvaline qatysyp, onyń da bas júldesin ıemdengen bolatyn. Bes jasynan bastap án aıtyp kele jatqan jetkinshek «Ánshi bolǵym keledi», «Men baqytty ba­lamyn» sııaqty óner baıqaýlaryna qatysyp, kó­rermenniń kózine túsip júrgen-di. Ol ánshi Maqpal Júnisovamen «Qazaǵym» ánin birge oryndap, osy klıpi arqyly elge tanylǵan jas talant. Repertýarynda «Oına, balaqaı», «Anashym», «Álippem» sııaqty 30-ǵa tarta áni bar balǵyn óz oryndaýyndaǵy birqatar ánderge klıpter de túsirip úlgergen. Jasy bar bolǵany onda bolsa da ózine úlken maqsattar qoıyp úlgergen Aıbek bıyl «Sulýym» atty jańa joba ústinde jumys istep jatyr. Aınash ESALI. Almaty. –––––––––––– Sýrette: 10 jasar júldeger Aıbek Ernazar.