Atqarýshy bıliktiń Cemeıge sapary

Aptanyń sońynda Qazaqstan Respýblıkasy Premer-Mınıstriniń orynbasary – Indýstrııa jáne jańa tehnologııalar mınıstri Áset Isekeshev jumys saparymen Shyǵys Qazaqstan oblysynda boldy. Premer-Mınıstrdiń orynbasa­ry saparyn juma kúni Semeıden bas­tady. Onymen birge Semeıge atqarýshy bılik, bank jáne ulttyq kom­panııalar ókilderi, sondaı-aq parlamenttik top músheleri keldi. Olar eń aldymen «Teplo­kom­mýnenergo» memlekettik kásip­or­nyna qarasty birinshi jylý or­ta­lyǵynda bolyp, ondaǵy jumys­pen tanysty. Bul ortalyq bıyl­ǵy jyly iske qosylǵan bolatyn. Úkimet tarapynan bólingen 7 mıllıardtan astam teńge sý jy­lytý qazandyǵynyń qurylysyna jumsalǵan-dy. Al qazir jylý or­talyǵynyń jetinshi qazandy­ǵy­na jóndeý jumystary júrgizilýde. Hımııalyq sý tazartý kesheniniń, janar-jaǵar maı jetkizý je­lisi­niń jáne jańa sý qondyrǵy­lary­nyń qurylysy da bıylǵy jyly aıaqtalmaq. Qala basshylyǵy má­lim­dep otyrǵanyndaı, Úkimet ta­rapynan Semeı qalasynyń kom­mý­naldyq júıesin jandandyrýǵa jasalyp jatqan qamqorlyqta kemshin joq. Sondyqtan jyldar boıy qordalanyp kelgen bul kúrdeli máseleniń oń sheshim tabatyn kúni de alys emes. Úkimet basshysynyń oryn­basary budan keıin «Shyǵys sý­syndary» jekemenshik seriktestiginde boldy. Elimizde shólmek daıyndaıtyn eki zaýyttyń biri osynda. О́kinishke qaraı, qala bıýd­jetine qyrýar qarjy quıyp kelgen bul kásiporyn sońǵy jyl­dary  toqyrap qalǵan-dy. Endi ol qaıtadan qatarǵa qosylyp jatsa, nur ústine nur bolar edi. Áset Isekeshev kelesi kezekte teri óńdeýmen jáne básekege qa­biletti teri-jún ónimderin daı­yn­daýmen aınalysatyn «Semeı jún-teri» jekemenshik seriktestiginde bolyp, atalǵan kásip­oryn­nyń jaı-kúıimen tanysty. Ob­lys ákimi Berdibek Saparbaev qo­naqtarǵa atalǵan kásiporyndar­dyń tynys-tirshiligi haqynda to­lyq túsinik berdi. Budan keıin Premer-Mı­nıstr­diń orynbasary  О́ske­men­degi «Vostokmashzavod» jáne «Kondensatzavod» aksıonerlik qo­ǵamdarynda boldy. Al búgin onyń qatysýymen oblystyq ákim­dikte óńirdegi keıbir kásip­oryn­dardyń bola­shaq­taǵy damýy jáne eli­mizdiń údemeli ındýs­trııa­lyq-ın­novasııalyq baǵdarla­ma­syn úı­les­tirý jóninde ke­ńes­ter ótkiziledi dep kútilýde. Dáýlet SEISENULY. Semeı.