Halyqqa kómektiń qaltqysyz kórinisi

Keshe «Nur Otan» HDP Ortalyq apparatynyń baspasóz ortalyǵynda Qoǵamdyq qabyldaý bólmesiniń meńgerýshisi J.Júkenov «Nur Otan» HDP Qoǵamdyq qabyldaý bólmeleriniń jumys qorytyndysyn shyǵarýǵa arnalǵan  kezekti  brıfıngin ótkizdi. Ol jýrnalıster aldynda kóptegen málimetterdi kóldeneń tartty. 2011 jyldyń esep berilip otyrǵan kezeńinde Qoǵamdyq qa­byl­daý bólmelerine 5 569 ótinish tústi, sonyń ishinde jazbasha ótinishter sany  – 1960. Taldaý kezeńinde ótken jyldyń osy ýa­qy­tymen salystyrǵanda, ótinish­ter­diń baspanamen qamtamasyz etýge qatystysy – 6,4 paıyzǵa, zeınetaqy jáne tólemaqy tóleý boıynsha – 5,9 paıyzǵa, turǵyn úı-kommý­nal­dyq salalary jáne eńbekke or­na­lastyrý jóninde 4,1 paıyzǵa  eleýli tómendegeni baıqaldy. Sonymen birge, ótken jyldyń osy ýaqytymen salystyrǵanda, sot sheshimimen kelispeý úsh esege, al eńbekaqyny tólemeý máselesi jónindegi ótinishter eki esege kóbeıgen. Partııanyń qoǵamdyq qabyl­daý bólmeleri arqyly memlekettik organdarǵa jiberilgen   aza­mat­tardyń ótinishterin qaraý boı­ynsha jumystar jalǵasýda. Esep berý kezeńinde memlekettik jáne quzyretti organdarǵa qaraý úshin 1556 (jazbasha túsken óti­nishterdiń jalpy sanynyń 79,3%-y) ótinish jiberildi. Olardyń qa­raýǵa jiberilgen jalpy sanynan 60% quraıtyn 939 ótinishine jaýap alyndy. Bul rette 410 ótinish  (44%) óziniń oń sheshimin tapty. Esep berý kezeńinde partııa­nyń Qoǵamdyq qabyldaý ból­me­lerine 669 ótinish kelip tústi, onyń ishinde jazbashasy – 421. Kelip túsken jazbasha ótinish­ter­diń eń úlken sany: Astana qala­synyń turǵyndarynan – 113, Almaty qalasynan – 77 jáne Aq­mola oblysynan – 30. 2011 jyl­dyń mamyr aıynda partııa­nyń Qoǵamdyq qabyldaý bólmelerine keńes alý maqsatynda 3609 adam, onyń ishinde zań boıynsha kómek suraǵan 2071 adam (75%) keldi. Barlyq azamattar aýyzsha óti­nishteri boıynsha qajetti ke­ńester men naqty túsiniktemeler aldy. Ústimizdegi jyldyń 18-20 mamyrynda partııa Ortalyq ap­pa­ratynyń Qoǵamdyq qabyldaý bólmesinde Ádilet mınıstrligimen birlestikte halyqqa quqyq­tyq kómek berip, olardyń quqyq­tyq saýattylyǵyn arttyrý maq­sa­tynda «Ádilet keńes beredi» respýblıkalyq aksııasy ótti. Aksııa barysynda elimizdiń barlyq aımaqtarynda partııanyń qoǵam­dyq qabyldaý bólmeleri ádilet organdary ókilderimen birlese otyryp, halyqpen 85 kezdesý, kásiporyndarǵa 58 sapar jáne oqý oryndaryna 65 sapar, son­daı-aq  Halyqqa qyzmet kórse­tý­diń 70 ortalyǵynda azamattarmen kezdesý uıymdastyrdy. Ádilet jáne qylmystyq-atqarýshy júıe organdarynyń, «Jyljymaıtyn múlik» RMK, «Sot saraptamasy ortalyqtary», notarıaldy palata, advokattar alqasy men baǵa­laýshylar palatasynyń ókilderi quqyqtyq kómek surap kelgen 23 585-ten astam adamǵa keńes berdi. Kelip túsken 17 078 jazbasha óti­nishtiń shamamen 3718-i ońtaıly sheshimin tapsa, 12 365-ten as­tamy ótinish ıelerine kótergen má­seleleri jóninde túsinik­temeler berildi jáne 995-i qaralýda. Barlyq deńgeıdegi depýtattar, memlekettik organdar, ob­lystyq, qalalyq, aýdandyq ókilder azamattardy qabyldaý jumystaryn jalǵastyrýda.