El erteńi azat oıly jastarda

Men Qazaqstan Respýblıkasy­nyń Memlekettik rámizderin ulyq­taý­ǵa arnalǵan «Meniń Qazaqsta­nym» atty respýblıkalyq Patrıottar forýmy­nan úlken ásermen oral­dym. Elin, jerin, Otanyn janyndaı súıetin, memlekettik qundylyqtar­dy joǵary ás­petteıtin naǵyz ult­jan­dy jandardyń basqosýyna aı­nalǵan mańyzdy shara serpindi isterge qozǵaý salyp, tyń basta­ma­lar­ǵa jol ashty. Patrıottyq paıym-túsiniktiń neden bastaý alaty­nyn aıqyndap berdi. Endigi maqsat, al­da­ǵy mindet – jer-jerlerde qanat jaı­yp jatqan ǵumyrly ónegeler tal­maı nasıhattalyp, naqty is-áre­ketterge ulasyp jatsa, quba-qup bolar edi. El Táýelsizdiginiń 20 jyl­dyǵy qar­sańynda «Jyl patrıoty» aıryq­sha belgisiniń elimizdiń maqta­ny­shyna aınalǵan tulǵalarǵa tapsy­ry­lýynyń ózi – qoldaýǵa turarlyq úrdis. 20 jasynda jasyndaı jar­qyl­daǵan sırek talant ıesi, aıtýly boksshymyz Bekzat baýyrymyz Qa­zaqstandy álemge tanytqannan keıin myńdaǵan baldyrǵandar oǵan eliktep ósken joq pa. Olımp shyńyn baǵyndyrǵan oǵy­lan­nyń ultyn, qa­za­ǵyn janyndaı súıgen namysty tek­tiligi jastarǵa úlken qozǵaý sal­ǵany anyq. Jalpy, patrıottyq sana-sezimdi qalyptastyrýdyń joldary san-alýan. Sonyń naqty úlgilerin aýyz ádebıeti­mizden kóptep kezdestirýge bolady. О́zimiz bala kezimizden batyrlar jy­ryn, qazaq ertegilerin jastanyp, jattap óstik. Halqyn jaqsylyqqa jetelep, baqytqa keneltken, zulymdyqty únemi jeńip otyratyn qııal-ǵajaıyp keıipkerlerine uqsaǵymyz keletin. Taý kótergen Tolaǵaıdyń erligi tánti etetin. Budan týatyn qorytyndy, eshkim pat­rıot bolyp týmaıdy. Munyń ózi júre kele, tárbıe arqyly qalyp­tasa­tyn kıeli sezim. Keńestik kezeńde qan­shama patrıottyq bastamalardyń dú­nıe­ge kelgenin bilemiz. Kóbiniń ǵumyry qysqa bolyp, jalań, naýqanshyldyq aıa­synan shyǵa almaı jatqanyn da umy­ta qoıǵan joqpyz. Biz kóbine soǵys kezinde jan qıǵan, ot keshken aǵa urpaqty naǵyz patrıotızmge balap, beıbit kezeńdegi jasampaz taǵylymdarǵa mán bermeı keldik. Keń baıtaq elimizdiń ta­rıhy, ata-babamyzdyń ultaraqtaı jerine deıin qyzǵyshtaı qorǵaǵan tulǵa­larymyz tasada qaldy. El erteńi – jastarmyzdy baqytty deıtinim, olar Táýelsiz Qazaqstandy óz qoldarymen qurysyp jatyr. Bilimdi, oılary azat, óz ómirlerin Qazaqstansyz elestete almaı­tyn, eli, jeri úshin jany aýyratyn urpaqtyń qalyptasqanyna qýanamyn. Petropavl qalasyndaǵy «Botanı­ka­lyq baqtyń» dırektory qyzmetin shırek ǵasyrdan beri atqaryp kele jatqan R.Rıazapov Ravıl babaıdyń aıtqan myna áńgimesin estigende naǵyz patrıot úshin Otannan asqan mártebe joq-aý degen oıǵa qaldym. Birde Qyzyljar óńirine serýendep kelgen amerıka­lyq bir top oqýshy baqty aralap jú­rip jaıqala ósip turǵan Vashıngton palmasynyń janyna toqtaı qala­dy. Janarlarynan ot ushqyndap, júzderi balbul jaınap sala beredi. Bir ýaqytta sondaı bir tebirenispen, erekshe qulshynyspen Memlekettik ánurandaryn tógildire jóneledi. Olar­dy júrek qa­laýy­men, erikten tys kúshpen shyrqatyp turǵan qan­daı qudiret! Otanǵa degen mahab­battyń bıik úlgisi osylaı bolsa kerek. Forýmnan bir baıqaǵanym, elimizde patrıottyq baǵyttaǵy qozǵa­lys­­tar men uıymdar birqydyrý eken. Solardyń basyn qosyp, ortaq ar­naǵa baǵyttaı bilý, jańashyldyqqa, irgeli izdenisterge jeteleý, jaqsy­lyq­qa umtyldyrý – munyń bári, túp­tep kelgende, ortaq ıgilik jolyna qyzmet eteri sózsiz. El patrıoty bolý – uly ister tyndyrý degen sóz emes. Árkim óz isi arqyly Otanyn kór­keıtýge, baılyǵyn eseleýge um­tylyp jatsa, munyń astarynda tý­ǵan jerge degen erekshe qurmettiń, izgi súıispenshiliktiń jatqanyn ańǵa­rý qıyn emes. Boıyndaǵy bar qabi­let-qarymyn yntymaq-birlikke jum­sa­sa, Qazaqstandy mekendep otyrǵan san alýan ulttar ortaq iske bilek sy­bana kirisip, bir-biriniń dástúr­lerinen, mádenıetinen shyn yqylas-nıetpen úırenip jatsa, keregemizdiń keńeıip, shańyraǵymyzdyń beriktene túseri anyq. Bizdiń Soltústik Qazaq­stan oblysynda ózge ult ókilderiniń qazaq tilin úırenýge shyn nıetpen den qoıýynyń ózi – egemendi elge degen qurmettiń shynaıy kórinisi der edim. Osyndaı dástúrler aıasynda da adamdy otanshyldyqqa tárbıeleýge bolatynyn eskergen jón. Otan ot basynan bastalady demekshi, eldik rýhtyń, patrıottyq tálim-tárbıeniń bastaýy memlekettik rámiz­derdi qurmetteýden, qaster­leýden bas­ta­lary anyq. О́ıtkeni, Án­uranymyz, Eltańbamyz, Kókbaı­ra­ǵymyz – el­digimizdiń, egemendi­gimiz­diń, tutasty­ǵy­myzdyń sımvo­ly, árbir qazaq­standyqtyń ishki jan sezimine qozǵaý salyp, asqaqtatar, birlikke únder kıeli nyshandar. Árıne, patrıottyq tálim-tárbıe bir shara sheńberinde sheshilmesi anyq. Alaıda, forým talaılarǵa oı saldy, jigerin janydy. Elge degen erekshe qurmettiń bir belgisindeı kópke deıin umytylmasy sózsiz. Jankeldi TÁJIN, «Meniń Qazaqstanym» respýblıkalyq Patrıottar forýmynyń delegaty, Petropavl  qalalyq máslıhatynyń depýtaty. Soltústik Qazaqstan oblysy.