Úlken jigermen oraldyq

  Elimizdiń erteńi de, ıesi de – jas urpaq. Memleket basshy­sy Nursul­tan Nazarbaevtyń «Patrıot bolý – Qa­zaq­standy óz júregińde alyp júrý» degen sózinen bastaý alǵan Qazaqstan Respýblıkasynyń Memlekettik rámiz­de­ri kúnine arnalǵan «Me­niń Qazaq­stanym» atty IV res­pýblıkalyq Pat­rıottar forý­my Qos­tanaı qalasynda ótkeni belgili. Osy jıynǵa Jetisýdan quramynda jastar arasynda pat­rıot­tyq tár­bıe­ni nasıhattaý men qalyp­tas­ty­rý­ǵa baǵyt­tal­ǵan túrli sala qyzmet­ker­­leri bar 10 adamnan tura­tyn de­legat forýmǵa qatysyp, úl­ken jigermen oraldyq. Forýmnyń alǵashqy kúni baǵ­dar­lamanyń keń aýqym­dy­ly­ǵymen erek­shelendi. Ol saıası repressııa jylda­rynda qaza bolǵandardyń eskertkish­terine gúl shoqtaryn qoıýdan bastalsa, tańerteńgisin Ahmet Baı­tur­­sy­nov­tyń eskertkishi ja­nyn­da mıtıng ót­kizildi. Sol sát­te aspan bult­ta­nyp, aq jań­byr sirkiredi. Soǵan qara­mas­tan, “Meniń Qazaqstanym – me­niń Ota­nym”, “Alǵa, Qazaq­stan!” degen jastardyń jar­­qyn únderimen astasqan jigerli sózderi jarqyn-jarqyn shy­ǵyp jatty. Oǵan basqa ob­lystardan kelgen forýmǵa qa­ty­sýshylar qosylyp, mereke aýqy­myn shyraılan­dyr­ǵanyn aıtqan jón. Forým táýelsizdigimizdiń me­reıli merekeleriniń biri – Qa­zaqstan Res­pýb­lıkasynyń Memlekettik rámizder kúni men Táýelsizdiktiń 20 jyldyǵy qar­sa­ńy­men tuspa-tus kelýimen osy­laı dú­bir­lep ótkizilgeni biz úshin úlken áser týǵyzdy. Forýmnyń máni men maǵy­na­sy  joǵary ekendigin sát saıyn sezindik. Qos­ta­naı­da respýblıkanyń bar­lyq ob­lystarynan jastar delega­sııa­lary, jas patrıottar bas qosyp, memlekettik rámizderge qurmettiń úlgisin kórsetti. Bul baǵyttaǵy sharalar Jetisý jerinde de keń aýqymda ót­ki­zilýde. Oblys ákiminiń basta­ma­symen sońǵy úsh jyl qatarynan aýdan, qalalarda «Meniń Otanym – Táýelsiz Qazaqstan!», «Elba­sy­men birge el qýatyn eseleımiz!», «Qazaq­stan – órkendegen el», «Qa­zaqstan – keń baı­taq, ortaq Otan!», «Ata Zań – mem­leketti­lik­tiń negizi», «Basta­ma­shy jas – óser eldiń baqyty!» sııaq­ty ta­qy­­ryp­tarda jastar festıvalderi tu­raq­ty ótkizilip keledi. Jastarǵa patrıot­tyq tár­bıe berý, Otan­ǵa, elge, jerge degen súıispenshilikti arttyrý maqsa­tynda ótkizilgen mundaı shara­lardyń nátıjesi boı­yn­sha je­ńimpazdarǵa jıyn qory­tyn­dy­syn­da «GAZel» avto­kó­lik­te­ri­niń kiltterin tapsyrý dástúrge aınalǵan. Bıylǵy festıval el Táý­elsizdiginiń 20 jyldyǵyn merekeleý aıasynda «Táýelsiz el­diń jańa kezeńi – jas ulandar qolynda» taqyry­byndaǵy sım­pozıýmnyń baıypty baǵdar­lamalarymen jalǵasýda. Dáýren ALDABERGENOV, forým delegaty, oblystyq ishki saıasat  basqarmasynyń bólim bastyǵy. Almaty oblysy. Sýrette: oblystan fo­rým­ǵa qatysqan delegattar.