Qazaqstan Respýblıkasy Úkimetiniń qaýlysy № 456

2011 jylǵy 29 sáýir            № 456                Astana, Úkimet Úıi Kerosındi áketýge ýaqytsha tyıym salýdy engizý jáne Qazaqstan Respýblıkasy Úkimetiniń 2011 jylǵy 24 aqpandaǵy № 180 jáne 2011 jylǵy 31 naýryzdaǵy № 331 qaýlylaryna ózgerister engizý týraly Munaı ónimderiniń ishki naryǵynda kúrdeli tapshylyq pen baǵanyń ósýin boldyrmaý maqsatyn­da Qazaqstan Respýblıkasynyń Úkimeti qaýly etedi: 1. Arnaıy benzınderden (KO SEQ TN kody 2710 11 210 0 – 2710 11 250 0) basqa, 2011 jylǵy 7 mamyrdan bastap 2011 jylǵy 1 shildege deıingi merzimmen kerosındi (KO SEQ TN kody 2710 19 210 0 – 2710 19 250 0) áketýge tyıym salynsyn. 2. Qazaqstan Respýblıkasy Úkimetiniń keıbir sheshimderine mynadaı ózgerister engizilsin: 1) «Qazaqstan Respýblıkasynyń aýmaǵynan gazoıldardy áketýdiń keıbir máseleleri týraly» Qazaqstan Respýblıkasy Úkimetiniń 2011 jylǵy 24 aqpandaǵy № 180 qaýlysynda: 1-tarmaqtaǵy «2011 jylǵy 1 mamyrǵa deıingi» degen sózder «2011 jylǵy 1 shildege deıingi» degen sózdermen aýystyrylsyn; 2-tarmaqtaǵy «Aýǵanstan Islam Respýblıkasyna» degen sózder alynyp tastalsyn; kórsetilgen qaýlymen bekitilgen áketýge qatysty kólemde sandyq shekteýler engiziletin taýarlardyń tizbesinde: «qoldanylý merzimi» degen baǵanda «2011 jylǵy 1 mamyrǵa deıin» degen sózder «2011 jylǵy 1 shildege deıin» degen sózdermen aýystyrylsyn; 2) «Qazaqstan Respýblıkasynyń aýmaǵynan jeńil dıstıllıattar men ónimderdi, gazoıldardy áketýdiń keıbir máseleleri týraly» Qazaqstan Respýblıkasy Úkimetiniń 2011 jylǵy 31 naýryzdaǵy № 331 qaýlysynda: kórsetilgen qaýlymen bekitilgen áketýge qatysty kólemde sandyq shekteýler engiziletin taýarlardyń tizbesinde: «qoldanylý merzimi» degen baǵanda «2011 jylǵy 1 mamyrǵa deıin» degen sózder «2011 jylǵy 1 shildege deıin» degen sózdermen aýystyrylsyn. 3. Qazaqstan Respýblıkasy Qarjy mınıstrliginiń Kedendik baqylaý komıteti zańnamada belgilengen tártippen osy qaýlynyń oryndalýyn baqylaýdy qamtamasyz etsin. 4. Qazaqstan Respýblıkasy Ekonomıkalyq damý jáne saýda mınıstrligi: 1) osy qaýlynyń 1-tarmaǵynda kórsetilgen tyıym salýdyń engizilgeni týraly Keden odaǵyna qatysýshy memleketterdi, sondaı-aq Keden odaǵy komıssııasynyń Hatshylyǵyn habardar etsin; 2) Keden odaǵy komıssııasynyń qaraýyna Keden odaǵyna qatysýshy basqa da memleketterdiń osy qaýlynyń 1-tarmaǵynda kórsetilgen sharalardy qoldanýy týraly usynys engizsin. 5. Qazaqstan Respýblıkasy Syrtqy ister mınıstrligi Eýrazııalyq ekonomıkalyq qoǵamdas­tyqtyń Integrasııalyq komıtetiniń Hatshylyǵyna Qazaqstan Respýblıkasynyń Úkimeti qabyldaı­tyn syrtqy saýda qyzmetin retteý jónindegi sharalar týraly kúntizbelik on tórt kún ishinde habarlasyn. 6. Osy qaýly 2011 jylǵy 7 mamyrdan qoldanysqa engiziletin 1-tarmaqty qospaǵanda, qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri           K.MÁSIMOV.