Yntymaqtastyqty nyǵaıtý jolynda

Taıaýda Ujymdyq Qaýipsiz­dik Sharty uıymyna qatysý­shy elder parlamentteriniń qorǵa­nys jáne qaýipsizdik komıtetteri tóraǵalarynyń Máskeý­de ót­ken Úılestirý keńesinde UQShU-ǵa múshe memleketter ynty­maqtastyǵyn odan ári ny­ǵaıtý máseleleri talqylan­dy, dep habarlady Parlament Senaty­nyń baspasóz qyzmeti. Qazaqstan Parlamentiniń de­pý­tat­tary Ámzebek Jolshybekov pen Ǵanı Qasymov qatysqan oty­rysta jahandyq jáne aımaqtyq qaýipsizdik salasyndaǵy jaǵdaıǵa taldaý jasaý, aqparat almasý, qaýip-qaterge qarsy ujymdyq qaýipsizdik kúsh-jigerin úılestirý qajettigine nazar aýdaryldy. Talqylaýǵa qatysýshylar  UQShU-ǵa múshe memleketterdiń ulttyq zańnamalaryn birdeıleý men úılestirý máselelerine erekshe toqtalyp, UQShU ujymdyq qaýipsizdiginiń úsh – Shyǵys Eýropa, Kavkaz jáne Ortalyq Azııa aı­maǵyndaǵy áskerı-saıası jaǵ­daı­dy zerdeleý týraly aıtty. Terrorızmge, ekstremızmge, se­para­tızmge, transulttyq uıymdas­qan qylmysqa qarsy is-qımyl ba­rysynda jahandyq esirtki qaýpi­men kúreste kúsh-jigerdi biriktirý qa­jet­tigi aıryqsha atap ótildi. Úılestirý keńesine qatysý­shylar parlamenttik baılanystar boıynsha birlesken kúsh-jigerdi qalyptastyrý týraly aıtty, ol UQShU-ǵa múshe memleketter ara­syndaǵy qorǵanys jáne qaýipsiz­dik salasyndaǵy ózara is-qımyl­dy odan ári nyǵaıtýǵa yqpal etedi.