Kók aspanǵa kóterildi kók baıraq

Keshe elordamyzdyń týǵan kú­nin merekeleý saltanatty shara­sy bastaldy. Asta­na­nyń sáý­letti kórkin jar­qy­raǵan kún nury men myń­daǵan adamdardyń shat kúl­kisi odan ári árlendirip, kó­ńilge jaıly jylylyq tý­ǵyzdy. Tabı­ǵat ta bul qýa­nyshqa osylaısha oń qabaq ta­nyt­qandaı qońyr sal­qyn samal esip, «Atameken». Qa­zaqstan kar­tasy» etno-memo­rı­al­dyq kesheniniń aldyna jınalǵan jurt­tyń ja­nyn ja­dyratty. Osy­ǵan oraı mun­da Astana kúnin merekeleý sal­ta­natynyń bas­tal­ǵan­dyǵyn bildiretin Memlekettik Tý­dy kóterý rásimi bary­synda Prezıdent Nursultan Nazarbaev eli­mizdiń birqatar áskerı joǵary oqý oryn­da­ryn úzdik bitirgen kýr­sant­tar­ǵa, ıaǵnı, Qazaqstan Táý­elsizdiginiń qurdastaryna ás­ke­rı shender tapsyrdy. – Qadirli otandastar! – dep bastady sózin Elbasy. – Qur­met­ti astanalyqtar! Búgin memleket­tiń ánurany rýhymen birge aspan tústi kók baıraǵymyz taǵy da asqaqtaı kókke kóterildi. Qalyp­tasqan dástúr boıynsha Astana kúniniń aldynda osy rásimdi or­yndaý bizdiń dástúrimizge aına­lyp keledi. Biz kók baıraqtyń as­tynda táýelsiz memleket quryp, Qazaqstandy álemge tanyttyq. Bizdiń kók baıraǵymyz Birikken Ulttar Uıymynyń tórinde ilýli. Astanada júrgizilip jatqan birneshe dúnıejúzilik úlken dodalar men jıylystarda bizdiń kók baıraǵymyz turady. Meniń resmı saparym kezinde, Qazaqstan­nyń delegasııasy aldynan árqa­shan kók baıraǵymyz jelbireıdi, – dedi Prezıdent. – Kók baı­ra­ǵy­myz ata-babalarymyzdyń, ba­tyr da dana babalarymyzdyń árýa­qyt­ta osy baıraqtyń astyn­da birigip, erlikpen eldi, jerdi qorǵap, Otan­dy aman saqtaý jolynda qo­lynan túsken emes. Osydan jı­yrma jyl buryn biz sol dástúrdi qaıta jandandyryp, kók baıraq­ty jelbiretip, dúnıe­júzine pash ettik. Qazaqstandy álem syılaı­tyn el ettik. Son­dyq­tan bizdiń memlekettik rá­mizderimiz Týy­myz, Eltańbamyz, Ánuranymyz qazaqtyń bolasha­ǵynyń, eldiginiń rásimi bolyp tabylady. Bul rá­simderdi syı­laý, qurmetteý eldiń patrıottyq pa­ryzy bolýy qa­jet. Osynyń tó­ńireginde biz jas­­tardy tárbıe­leı bilýimiz kerek. Sondyqtan Astananyń tý­ǵan kú­nin atap ótý kók baıraqty kó­te­rý­­men bastal­dy, – dedi Elbasy. Odan ári sózin jalǵaǵan Memleket basshysy: Dál osy kúni biz­diń memleketimizde áskerı joǵa­ry oqý oryndaryn bitirgen kýr­sant­tarǵa áskerı shender tapsy­rylady. Bul olardyń halyqqa bergen anty bolyp tabylady. Olar elge aıanbaı qyzmet etip, Ota­nymyzdy, jerimizdi, shekara­myzdy nyq qorǵaıdy degen senimdemiz, dedi. Búginde jas elordamyz – Astana qalasy búkil álemge tanyl­dy. Astana – Qazaqstannyń jaý­ha­ry. Astana – Qazaqstannyń qaq­­pasy. Munda EQYU sammıti ótti. Endi bizder munda Islam Yn­tymaqtastyq uı­ymyna tór­aǵa­lyq etýdemiz. Munda nebir Azııa­lyq oı­yndar, ekonomıkalyq forýmdar ótti. Demek, Astana ar­qyly Qa­zaq­standy álem bilip, ta­nyp ot­yr. Astanany bári maqta­nysh etedi. Kúnbe kún elordada jańa, tamasha bir ǵajaıyp ǵıma­rat­tardy kezdestiremiz. Bizdiń ǵa­jaıyp ar­hıtektýralyq qurylys­ta­ry­myz álemniń ozyq telearna­larynan kórsetilýde. Osy arqy­ly biz As­tananyń Eýrazııa qurly­ǵynyń kin­digine aınalyp kele jat­­qan­dyǵyn dáleldeýdemiz. 20 jyldyq Táýelsizdik ishinde biz kóptegen keleli jetistikterge qol jetkizdik, dedi odan ári Elbasy. Endi atalǵan merekege oraı biz jańa qurylystardy, respýblıka boıynsha jańa kásiporyn­dardy ashyp otyrmyz, dedi Elb­a­sy sal­tanatty shara barysynda. Onda myń­daǵan adam jumys isteıtin bo­lady. Birinshi shildeden bastap barlyq bıýdjettik mekeme qyz­metkerleriniń eńbekaqysy kó­beı­di. Birinshi qańtardan bastap 30 paıyzǵa zeınetkerlerdiń zeı­net­aqysy artty. Bul bizdiń eko­no­mıkamyzdyń, elimizdiń oıda­ǵy­daı jumys istep kele jat­qan­dyǵyn bildiredi. Biz munyń bá­rine ha­lyq­tyń arasyndaǵy bir­lik­tiń, dos­tyqtyń, yntymaqtas­tyqtyń ar­­qasynda qol jetkizdik. Bizdiń al­dymyzda endi munan da asqa­raly, bıik, ıaǵnı elimizdi ın­dýs­trııa­lan­dyrý, jańa ekonomı­kany qurý mindetteri tur, biz bul jumysty ekinshi jyl qatarynan atqaryp kelemiz. Byltyr 152 nysandy ashtyq, bıyl taǵy 200 nysandy paıdalanýǵa beremiz. Júz­­degen myń qazaqstandyq ju­myspen qam­tamasyz etiledi. О́t­ken saı­laý­lar bizdiń halqy­myz­dyń birligin aıqyndap berdi. Biz osy bir­liktiń arqasynda kóp­tegen qıyn­shy­­lyq­tardy eńsere bildik. Odan ári Prezıdent áskerı oqý oryndaryn támamdaǵan kýr­sant­tar­dy, olardyń ata-anala­ryn qut­tyq­taı otyryp, áskerı oqýdy bitirgen jastardyń bar­ly­ǵyna den­saýlyq, zor tabys, iri jetistikterge qol jetkizýge shyn jú­rek­ten tilek bildirdi. Búgin men eli­mizdiń ás­kerı joǵary oqý oryn­daryn tá­mamdaǵan áskerı túlekterimizge shen tapsyrdym. Árıne, jyl sa­ıyn elimizdiń ás­kerı oqý oryn­daryn júzdegen tú­lek bitirip shy­ǵa­dy. Bizdiń ás­ke­rimizge, quqyq qor­ǵaý organ­da­ryna, Tótenshe jaǵ­daı­lar mınıstrligine jáne basqa da áskerı uı­ymdarǵa jas mamandar qosy­lyp jatyr. Osy arqyly biz jastarǵa, Táýelsizdik qurdas­taryna bet buramyz. Biz memleket negizin solar úshin qalap jatyr­myz jáne bizdiń bolashaǵymyz jaqsy qolda bolatynyna senemiz. О́ıtkeni, el jastarǵa senedi, al jastar elge qaımyqpaı qyzmet etetinine senimdimiz, dedi Elbasy. Memleket basshysynyń qo­ly­­nan Astana merekesi kúni shen alǵan baqytty kýrsanttar da El­­basyǵa, halyqqa degen aq­jar­qyn tilekterin jasyrmady. Bıyl eli­mizdiń Táýelsizdigine 20 jyl. Osy­naý aıtýly jyly biz ofı­ser retinde áskerı qyz­meti­mizdi bas­taı­myz. Bul bizge úlken mindet pen zor jaýapkershilik júkteıdi. Bizder – egemen eldiń jas ofıserleri bar kúsh-jigerimizdi Qa­rý­ly Kúshter qa­ta­ryn nyǵaıtýǵa jumsaımyz. Táý­elsiz Otany­myz­ǵa, Qazaq­stan halqy men onyń Tuńǵysh Prezıdentine adal qyz­met etýge ant etemiz! – dedi symdaı tar­tyl­ǵan el erteńiniń erleri. Aleksandr TASBOLATOV.