«QR Prezıdenti Ákimshiliginiń kelisimimen meniń jarlyǵym boıynsha Lıapýnov Andreı basqa jumysqa aýysýyna baılanysty qyzmetinen bosatyldy. О́zderińiz bilesizder, Andreı Lıapýnov eki jyldan astam ýaqyt boıy turǵyn úı-kommýnaldyq sharýashylyq jáne TJ máselelerine jetekshilik etti. Ol ózin oblysymyzdyń eń kúrmeýli salalaryn tamasha biletin bilikti maman retinde kórsete bildi», dedi Erlan Qoshanov.
Jedel ári der kezinde atqarylǵan is-áreketterdiń arqasynda Qaraǵandy oblysynda kóktemgi sý tasqynynyń qıyndyqtaryn azaıtýǵa múmkindik týdy dep atap ótti oblys ákimi. Erlan Qoshanov Andreı Lıapýnovqa atqarǵan jumystary úshin alǵysyn bildirip, oblys ákiminiń Qurmet gramotasyn tabys etti.
«QR Prezıdenti Ákimshiliginiń kelisimimen meniń ókimimen oblys ákimi orynbasary qyzmetine Shkarýpa Anatolıı Valerıı uly taǵaıyndaldy», dedi oblys ákimi.
Ol jańa orynbasar aldyna aımaǵymyzdyń kelesi jylǵy jylytý maýsymyna daıyndyǵy jáne TJ-nyń aldyn alý boıynsha birneshe mindet qoıdy.
A. Shkarýpa 1975 jyly Almaty oblysynyń Eńbekshiqazaq aýdanynyń Esik qalasynda týǵan. Almaty energetıka jáne baılanys ınstıtýtyn támamdaǵan. Mamandyǵy boıynsha ınjener-ekonomıst.
