Aǵash egý jáne nysan aýmaǵyn tazartý jumystaryna 25 jas býyn men 25 jyl quqyq qorǵaý salasynda eńbek etip júrgen aǵa býyn ókilderi, Jańaózen qalalyq IIB qyzmetkreleri qatysty.
– Shara arqyly jas tártip saqshylaryna 25 jyl ishki ister organynda eńbek ótili bar aǵa býyndardyń tek qana ózderiniń qyzmetterinde ǵana emes, qoǵamdyq jumystarǵa da atsalysatyndyǵyn kórsetý jáne jastardy patrıottyq tárbıege baýlyp, olardyń aǵa býynnan úlgi-ónege alýyna, óz eńbekterine adal bolýyna kómek berý, sondaı-aq halyqtyń ishki ister organyna degen senimdiligin nyǵaıtý. Men ujym atynan Qazaqstandyq polıseılerdi merekesimen quttyqtaımyn, otbasylaryna amandyq, eńbekterine tabys tilep, árdaıym halqymyzdyń tynyshtyǵyn qorǵaıtyn jigerimiz, kúsh-qaıratymyz taýsylmasyn, halyqymyz úshin aıanbaı eńbek eteıik, degim keledi, deıdi Jańaózen qalalyq IIB-nyń bastyǵy polısııa polkovnıgi Amangeldi Asqaruly.
– Osy shara arqyly biz ishki ister organdarynda 25 jyl eńbek ótili bar úlken aǵa býyn ókilderinen qoǵamdyq jumysqa belsene qatysý qajet ekendigin bildik, olar eńbek etý men el aldyndaǵy jaýapkershilik týraly nasıhattaýdan jalyqqan joq. Biz halqymyzdyń senimin aqtaýǵa, qyzmet barysynda adal da, aıanbaı eńbek etýge daıynbyz. Al aǵa urpaqtan alatyn patrıottyq tárbıemiz de, tájirıbıemiz de, úlgi-ónegemizde kóp dep sanaımyn, deıdi Jańaózen qalalyq IIB IIB ÁPT ınspektor polıseıi Qabylbek Qattybekov.
Gúlaıym ShYNTEMIRQYZY,
«Egemen Qazaqstan».
AQTAÝ
