2017 jyldyń basynan mamyr aıyna deıin Mańǵystaý oblystyq óńirlik úılestirý keńesiniń 10-shy ashyq otyrysy ótse, onyń qorytyndysy boıynsha 50-den astam joba maquldanyp, memleketten qoldaý alatyn boldy.
Solardyń biri – «Tomırıs LTD» JShS. Kompanııa negizinen ár túrli kólemdegi túrli-tústi jáne tússiz, ustaǵyshy jáne ustaǵyshy joq, taǵamdyq jáne taǵamdyq emes polıetılen paketterin óndirýmen aınalysady. 2014 jyldan beri jumys istep kele kásiporyn óz bıznes aýqymyn keńeıtý maqsatynda «Damý» qorynyń Kásipkerlerge qyzmet kórsetý ortalyǵyna kelip, memleketik qoldaý baǵdarlamalary jóninde keńes aldy.Ortalyq qyzmetkerleri «Qazaqstan Halyq Banki» AQ arqyly nesıe alýǵa qujat jınaý barysynda kóp kómek kórsetti. Nátıjesinde bank 60 aıǵa 16,5% jyldyq mólsherlemesimen 18 mln teńge berdi. Kásipker «Bıznestiń jol kartasy-2020» kásipkerlikti qoldaý jáne damytýdyń biryńǵaı baǵdarlamasy aıasynda sýbsıdııalaý quralyn paıdalana otyryp, 16,5%-dyń tek 6,5% óteıdi, al qalǵan 10% qaıtarymsyz negizde memleket óteıdi.
Sondaı-aq bankke qoıatyn kepilzaty jetkiliksiz bolǵandyqtan, «Damý» qorynyń kepildemesin aldy. Sonyń kómegimen kásipker qajetti somany tolyq kólemde ala aldy. Qarajat óndiristik jabdyqtyń «ekinshi jelisin» satyp alýǵa jumsaldy.
Gúlaıym ShYNTEMIRQYZY,
«Egemen Qazaqstan».
AQTAÝ
