Osyǵan oraı depýtattar aldaǵy sársenbide «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda talqylaıdy dep kútilýde. Sonymen qatar, osy otyrysta áleýmettik qamsyzdandyrý máseleleri boıynsha ózgerister men tolyqtyrýlar boıynsha zań jobasy da talqylanatyn bolady.
Sondaı-aq, jalpy otyrysta Májilis «2012 jylǵy 11 mamyrdaǵy Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Qazaqstan Respýblıkasy azamattarynyń Qyrǵyz Respýblıkasynyń aýmaǵynda jáne Qyrǵyz Respýblıkasy azamattarynyń Qazaqstan Respýblıkasynyń aýmaǵynda bolý tártibi týraly kelisimge ózgerister men tolyqtyrýlar engizý týraly hattamany ratıfıkasııalaý týraly» jáne de «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy eýrazııalyq ekonomıkalyq ıntegrasııa jaǵdaıynda ekonomıkalyq yntymaqtastyqty damytý týraly kelisimdi ratıfıkasııalaý týraly» zań jobalaryn qarastyrady.
Úkimet pen Respýblıkalyq bıýdjettiń atqarylýyn baqylaý jónindegi esep komıtetiniń 2016 jylǵy respýblıkalyq bıýdjettiń atqarylýy týraly esepteri men Memlekettik aýdıt jáne qarjylyq baqylaý týraly, Qarý saýdasy týraly shartty ratıfıkasııalaý týraly zań jobalary qorytyndy ázirleýge alynady.
Sondaı-aq, bıýro otyrysynda palatanyń Ekonomıkalyq reforma jáne óńirlik damý komıtetiniń Batys Qazaqstan oblysynda kóshpeli otyrysyn (2017 jylǵy 25-27 mamyr) ótkizý týraly másele de talqylandy.
