Osy oraıda, «Kóne Taraz» tarıhı-mádenı kesheninde oblystyq Jastar saıasaty máseleleri basqarmasy men oblystyq Qorǵanys isteri jónindegi departamentiniń uıymdastyrýymen «Áskerge barý – azamattyq paryzym!» atty oblystyq patrıottyq aksııasy ótti. Atalǵan shara Qazaqstan Respýblıkasy Qarýly Kúshteriniń qurylǵanyna 25 jyl jáne Uly Jeńistiń 72 jyl tolýyna arnaldy. Aksııaǵa oblys ákiminiń birinshi orynbasary Bekbolat Orynbekov, «Jambyl oblystyq generaldar keńesi» respýblıkalyq qoǵamdyq birlestiginiń dırektory Ábdiǵappar Qazıev arnaıy qatysyp, jastardy Otan aldyndaǵy qyzmetin abyroımen atqarýǵa shaqyrdy.
Sondaı-aq, shara barysynda «Ońtústik» óńirlik qolbasshylyǵynyń ánshileri Erlan Áshimov, Janat Kodırov «Qazaǵym jasa!», «Týǵan elim» patrıottyq ánderin oryndasa, ata-analar atynan Gúljámılá Otarqyzy sóz alyp, jas sarbazdarǵa jyly lebizin bildirdi. Al «Ońtústik» óńirlik qolbasshylyǵy áskerleri 85395 áskerı bóliminiń barlaý rotasynyń qoıan qoltyq urysynyń qoıylymy da kópshilikke erekshe áser syılady.
Jastardyń jaýyngerlik
rýhyn oıatatyn aıtýly jıynda uıymdastyrýshylar tarapynan ásker qataryna shaqyrylǵan jastarǵa qajetti zattar tabystaldy. Sondaı-aq, Otan aldyndaǵy boryshyn óteýge «Kóne Taraz» ortalyǵynan 30 sarbaz salta- natty túrde ásker qataryna attandy.
Hamıt ESAMAN,
«Egemen Qazaqstan»
Jambyl oblysy
