Ulttyq ekonomıka mınıstri Tımýr Súleımenov 4 aıdyń qorytyndysyna sáıkes ekonomıkanyń basym salalary boıynsha ósimniń jedeldeýi baıqalatynyn atap ótti. 2017 jyldyń qańtar-sáýir aılarynda JIО́ ósimi 3,7% qurady. Tutynýshylyq jáne ınvestısııalyq suranys, sonymen qatar JIО́ dınamıkasyn qoldaýǵa kómek bolǵan ekonomıkanyń naqty sektoryndaǵy artyp kele jatqan belsendilik negizgi faktorlarǵa aınaldy.
JIО́-niń oń dınamıkasy taý-ken jáne óńdeý, qurylys jáne qyzmet kórsetý salalarynyń naqty ósimimen sebepteledi. Taý-ken ónerkásibi salalarynda kómir men qońyr tas kómir, munaı, tabıǵı gaz alý kórsetkishterinde oń dınamıka baıqaldy. Negizgi óńdeý segmentterinde de, atap aıtqanda, munaı óńdeýde, farmasevtıkada, metall emes mıneral ónimderde, metallýrgııalyq ónimderde jáne mashına jasaýda jandaný baıqalady.
Agroónerkásiptik keshende aýyl sharýashylyǵy jalpy óniminiń óndiris kólemi ózgeristerge ushyraǵan joq jáne 2,9% oń kórsetkishinde saqtalyp qaldy. Qurylysta da 6,1% artyp, oń dınamıka saqtalýda. Pavlodar, Jambyl oblystarynda jáne Astanada jumystar qarqyndy júrgizilýde.
Ulttyq ekonomıka mınıstrliginiń málimetteri boıynsha, esepti kezeńde kórsetiletin qyzmetter óndirisi 1,9% ósti. Sektorlar boıynsha saýda-sattyqta jáne aqparat pen baılanysta ósim baıqalady, kólik jáne qoımalaý qyzmeti salasynyń damý kórsetkishteri 3,5% artty, al júk aınalymy 5,9%, jolaýshylar aınalymy 3,2% ósti.
