Ońtústikten 150 myń ońtústikqazaqstandyq kórermen retinde barady. Olardyń 3750-i − mektep oqýshylary. Sondaı-aq, 139 múmkindigi shekteýli jáne zeınetkerlik jasyndaǵy azamattardy aparý josparlanyp otyr.
Oblystyq kásipkerlik, ındýstrııalyq-ınnovasııalyq damý jáne týrızm basqarmasynyń bólim basshysy Perızat Qonysbaevanyń aıtýynsha, baratyn azamattardyń sany belgili. Olardy tasymaldaý jaǵy qarastyrylǵan. Ázirge Astana qalasyndaǵy joǵary oqý oryndarynyń jataqhanalarynan aldyn ala tapsyryspen oryn alynǵan eken.
Bólim basshysy kórmege baratyndardyń 15 paıyzy ushaqpen, 110 myń 200 azamat poıyzben jetedi. Olardyń bıletteri aldyn ala brondalyp qoıǵan degen derekti aıtty.
Oblystyq jolaýshylar kóligi jáne avtomobıl joldary basqarmasy basshysynyń orynbasary Maqsat Myrzabaev:
− Kórmege baramyn degen azamattarǵa aldyn ala poıyz, ushaqqa bıletterdi satýdy bastadyq. 16750 oryndy daıyndap otyrmyz, – dedi.
Oblystyq aýyl sharýashylyǵy basqarmasy basshysynyń orynbasary Asqar Qanybekovtiń aıtýynsha, kórmege ońtústikten 12 976 tonna aýylsharýashylyq ónimderi jóneltiledi. Astana qalasy men Aqmola oblysynyń baý-baqsha ónimderine degen qajettiligin eskere otyryp, 37 iri jáne orta aýyl sharýashylyǵy taýar óndirýshileri óz kerýenin attandyrmaq.
Azyq-túlik taýarlary 25 júk jáne muzdatqyshy bar arnaıy kóliktermen tasymaldanady.
Baqtııar TAIJAN,
«Egemen Qazaqstan»
Ońtústik Qazaqstan oblysy
