9-shy jazǵy ýnıversıadany ashý qurmetine soltústikqazaqstandyqtar ıe boldy. Júzýden bas tóreshi Gúlmıra Kuldaevanyń aıtýyna qaraǵanda, ózara básekelestik óte kúshti. Baǵdarlama boıynsha 50, 100, 200 metrlik qashyqtyqtarda krol, brass, shalqalaı júzý, taǵy basqa túrlerinen júldeler sarapqa salynatyn bolady.
Alǵashqy kúni petropavldyq Tımýr Haırov 50 metrge erkin júzýden aldyna jan salmady. Myqty komandalardyń biri sanalatyn Ál-Farabı atyndaǵy Qazaq ulttyq ýnıversıtetiniń ókili, Azııa oıyndarynyń birneshe márte jeńimpazy Elmıra Ybyraıymnyń da qarsylas shaq keltirmeıtin túri bar.
«Stýdentterdiń jazǵy ýnıversıadasy 32 sport túrin qamtysa, Petropavlda júzýmen qatar Prezıdenttik kópsaıys ta ótedi. Shyǵys Qazaqstan oblysynyń, Taraz, Qostanaı ýnıversıtetteri komandalarynyń jaqsy daıyndyqpen kelgeni baıqalady», deıdi M. Qozybaev atyndaǵy Soltústik Qazaqstan memlekettik ýnıversıteti janyndaǵy «Suńqar» sport klýbynyń jetekshisi Erbol Isataev.
Jarys erteń óz máresine jetedi.
О́mir Esqalı,
«Egemen Qazaqstan»
