Topyraq qunaryn saqtaýǵa qajetti basqa da agrotehnıkalyq sharalar tolyǵymen atqaryldy. Sońǵy kezde keıbir usaq sharýa qojalyqtary tyńaıtqyshtardy paıdalaný isine salǵyrt-salaq qaraı bastaǵandary da jasyryn emes. Bıyl mundaı teris tájirıbeniń tamyryna balta shabyldy. Sonymen birge, olar óz qoldaryndaǵy burynǵy eski tehnıkany jańǵyrtýda da qam-qaraket tanytýda.
Sondaı-aq, osy jyly sebiletin tuqymnyń basym bóligin negizinen birinshi sanattaǵy tuqym qory quraıdy. Taǵy bir aıta keterlik másele – 2016 jylmen salystyrǵanda bıyl oblystaǵy egistik alqaptyń kólemi 74,2 myń gektarǵa ulǵaıdy.
Osylaısha, bıylǵy taýyq jyly jalpy kólemi 641 myń gektar alqapqa egistik salý josparlanǵan. Budan alynatyn ónim mólsheri qandaı bolmaq? Bul
jóninde aldyn-ala boljam jasap, bal ashý qıyn árıne. Sonyń ishinde sýarmaly egis emes, nar táýekeldikke negizdelgen, tipti kerek deseńiz jaz kezderindegi jaýyn-shashynǵa da táýeldiligi bar egistik jaǵdaıynda qandaı bir bolmasyn aıqyn joramal jasaý ońaıǵa túspeıdi. Áıtse de qazirgi kúni agrotehnıkalyq sharalar oıdaǵydaı júrgizilgen jaǵdaıda 480 myń tonna astyq jınaýǵa bolatyny jóninde esepter jasalǵan.
Bul iste Qarǵaly aýdanynyń dıhandary kósh bastap keledi.
Temir Qusaıyn,
«Egemen Qazaqstan»
