Qaraǵandy teatry Reseıde úzdik óner kórsetkeni úshin marapattaldy

Qaraǵandynyń K. Stanıslavskıı atyndaǵy orys drama teatry Ioshkar-Ola qalasynda (Reseı) ótken «Dostyq kópiri-2016» halyqaralyq festıvalinde sátti óner kórsetti, dep habarlady «QazAqparat». Festıvalde qaraǵandylyqtar avstralııalyq jazýshy Brıgıtta Shvaıgerdiń «Shaǵyn kameralyq pesa» týyndysynyń jelisi boıynsha qoıylym usyndy. «Bul – teatr rejısseri Aleksandra Bolshakovanyń jumysy. Spektaklde Bolshakovanyń ózi, aktrısa Gadına Týrchına oınaıdy», – dedi teatrdyń ádebıet bóliminiń meńgerýshisi Elena Nýmerova. «Serbııalyq synshy Dragan Boshkovıchtiń tóraǵalyǵymen halyqaralyq ádil qazylar alqasy qoıylymǵa baǵa berdi. Qaraǵandylyqtar «Jańa nysan izdenisinde» nomınasııasyndaǵy arnaıy dıplommen marpattaldy. Spektakl qazirgi álemdegi áıeldiń orny, bıligi, áleýmettik rólinde adamnyń tuıyqtalýy taqyrybyna arnalǵan. Bir áıelder qymbat kóılekpen meıramhanalarda aqshasyn shashsa, ekinshisi az aqshaǵa osy meıramhanalardyń edenin jýady. Eger aqyly dárethanada meıramhanaǵa kelýshi aqshasyn umytyp ketse, jaǵdaıǵa eden jýýshy kináli bolady. О́ziniń ýaqytsha bıligin ol qalaı paıdalanatynyn kim biledi», – delingen ańdatpada.