Levıt: Syıaqymdy jumsaýǵa ýaqytym joq

Vasılıı Levıt Olımpıadadan alǵan syıaqysyn jumsaýǵa ýaqyty joq ekenin málimdedi, dep habarlady sports.kz. «Shynymdy aıtsam, syıaqymdy áli jumsaǵan joqpyn. Ol jaǵyn oılaıtyn meniń tipti, ýaqytym da joq. Oıymdy bólmes úshin bul isti keıinge shegerip qoıdym. Qazir kóptegen is-sharalar ótip jatyr. Bizdi nazardan tys qaldyrmaı, kishkentaı da bolsyn eńbegimizdi baǵalap jatqany qýantady. Alǵysymnan basqa aıtarym joq», – dedi Vasılıı Levıt. Ol sondaı-aq, jańa jylǵa arnalǵan fılmniń semkasy týraly da aıtyp berdi. «Men ózime qatysty epızodtarǵa tústim. Bul men úshin úlken tájirıbe boldy. Árıne, ózimdi aktermin dep aıta almaımyn. Men neǵurlym sportqa jaqynyraqpyn», – dedi ol. Budan bólek, ol qazaqstandyq boksshylardyń aldaǵy josparlary týraly aıtýdy da esten shyǵarmady. «Komandamyz osy aıda Saryaǵashta jınalady, al kelesi aıda Almatyda jalpy-fızıkalyq daıyndyǵymyzdy bastaımyz. Jekpe-jekter máselesi áli sheshilgen joq, ol jaǵy jattyqtyrýshylardyń qolynda», – dedi Olımpıadanyń kúmis júldegeri.