Saýd Arabııasy men Irak munaı óndirisin kóbeıtti

Bıylǵy jyldyń qarasha aıynda Saýd Arabııasyndaǵy munaı óndirý kólemi rekordtyq kólemge jetti, dep habarlaıdy BBC. Naqtyraq aıtar bolsaq, qarasha aıynda Saýd Arabııasyndaǵy óndirilgen munaı kólemi táýligine 10,72 mln barrelge jetken. Koroldikte qara altyn óndirý osymen ekinshi ret eń úlken kórsetkishti kórsetip otyr. Shilde aıyna bir táýlikte óndirilgen munaı mólsheri 10,67 mln barrelge jetken. OPEK uıymynyń taǵy bir derekkóziniń málimetteri boıynsha, munaı óndirý Irakta da arta túsip, kún saıyn olar 4,8 mln barrel kómirtegi óndirip otyrǵan kórinedi (salystyrmaly túrde alǵanda qazan aıynda bul el táýligine 4,7 mln barrel munaı óndirdi). Saýd Arabııasy OPEK uıymyna múshe eń iri munaı óndirýshi el retinde óndiris kólemin táýligine 10,05 mln barrelge jetkizetini jónine uıymǵa múshe ózge elderdiń aldynda ýáde bergen. Bundaı ýaǵdalastyqqa 30 qarashy kúni jasalǵan kelisim boıynsha qol jetkizildi. Degenmen, atalǵan kelisim keler jyldyń 1 qańtarynan bastap kúshine enetindikten, ázirge bul memleketter barynsha kóbirek óndirýge kúsh salyp jatyr. О́tken senbide munaı eksporttaýshy memleketterdiń uıymyna kirmeıtin elderdiń ókilderi bas qosyp, munaı baǵasyn turaqtandyrý maqsatynda óndiris kólemin qysqartý jóninde kelisimge kelgen bolatyn.