Qostanaıdaǵy «Mart» oıyn-saýyq ortalyǵynda Oblystyq mádenıet, Jastar saıasaty basqarmalarynyń jáne qalalyq mádenıet jáne tilderdi damytý bóliminiń uıymdastyrýymen elimiz Táýelsizdiginiń 25 jyldyǵy qarsańyndaǵy «25 juldyzdy kún» aksııasy aıasynda Qumanǵazynyń «Saryarqa» kúıin bir mezgilde oryndaǵan dombyrashylar fleshmoby ótti. Saǵat kúndizgi 12.00-de bul fleshmob oblys aýdandarynda men qalalarynda birdeı bastaldy. Oǵan barlyǵy 300 dombyrashy qatysty.
«Men oblystyq balalar shyǵarmashylyǵy úıinde dombyra úıirmesine qatysamyn. Fleshmobqa birinshi ret qatystym. Biz aldyn ala «Saryarqa» kúıin tartyp, jattyqqan bolatynbyz, jaqsy oınadyq. Oıyn-sýyq saýda úıine kelgen jurtshylyqtyń barlyǵy bizge qyzyqtaı qarap, kúı tyńdap ketti» deıdi fleshmobqa qatysqan Bekzat Jáýke.
«О́z sharýammen saýda úıine kelgen edim, «Saryarqa» kúıiniń oınalyp jatqanyn kórip, jaqyndap, tyńdadym. Maǵan unady, rýhyńdy kóteredi. Uly daladaǵy babalar mingen tulparlar dúbirin estigendeı áserlendim», dedi Qostanaı qalasynyń turǵyny Nurbol Ábdiǵalı. Fleshmobtyń maqsaty halyqtyq mýzykany nasıhattaýmen birge, Táýelsizdik rýhyn kúı arqyly jetkizý edi.
Oblystyq mádenıet basqarmasynyń qyzmetkeri Irına Shatkonyń aıtýynsha, oblys qalalary men aýdandarynyń barlyǵynda dombyrashylar fleshmoby saǵat 12.00-de birdeı bastaldy. Dombyrashylar sany 300-den asyp jyǵylýy da múmkin. Fleshmob barlyq jerlerde adamdar júretin qoǵamdyq oryndarda ótti. Mysaly, ol Arqalyq qalasynda -- pedagogıka kolledjinde, Qarasýda—saýda ortalyǵynda, Qarabalyqta avtovokzalda turǵyndar dombyrashylardyń oryndaýynda «Saryarqany» tyńdady.
Názıra Járimbetova, «Egemen Qazaqstan».
