Sýretti túsirgen Haıreden RAÝShANOV
Oǵan jýrnalıster, ádebıetsúıer qaýym qatysty. Basylymnyń bas redaktory aqyn, kósemsózshi Meıirhan Aqdáýletuly jýrnaldyń ustanǵan baǵyt-baǵdary, aldaǵy shyǵarmashylyq jumystary týraly áńgimeledi. Ol jańa jýrnaldyń tusaýkeseri Almatyda Qazaqstan Jazýshylar odaǵynda da ótkenin, odaq basshylary men shyǵarmashylyq qaýymnyń jyly qarsy alǵanyn tilge tıek ete kelip, jýrnaldy qazaq ádebıetiniń damýyna serpin beretin basylym jasaýǵa talaptanyp jatqanyn atap ótti. – Osyndaı bir ádemi jýrnal shyǵarýdy 2012 jyldan oılap júr edim. Sonyń sáti bıyl tústi.
Bul bastamamyz oblys ákimi Berdibek Saparbaev tarapynan qoldaý tapty. О́ńir basshysynyń qoldaýymen osyndaı jýrnal dúnıege keldi. Alǵashqy sany ústimizdegi jylǵy qarasha aıynda jaryq kórdi. Qazir ekinshi sany da daıyndaldy, baspahanadan kelesi aptada shyǵady. «Qazposhta»AQ arqyly jazyldyrýdy oılastyryp jatyrmyz. Jýrnaldy elimizdiń barlyq óńirlerine taratý kózdelýde. Munda eń úzdik týyndylardy jarııalaımyz degen úmitimiz bar, – deıdi Meıirhan Aqdáýletuly. Jýrnal Aqtóbedegi «A-Polıgrafııa» JShS baspahanasynda basylyp, shyǵarylady.
Ázirge 2 myń danamen shyǵýda. Quryltaıshysy «IDEA ltd» JShS bolyp tabylady. Jýrnaldyń tusaýkeserinde sóz alǵan «Qazaqstan RTRK» Aqtóbe oblystyq telekompanııasynyń dırektory Raýken Otynshın aqyn Meıirhan Aqdáýletulynyń kezinde «Altyn orda» gazetin Aqtóbede jáne Atyraýda shyǵaryp, respýblıkalyq deńgeıdegi basylymǵa aınaldyrǵanyn, bul jýrnaldy da oqyrmandardyń kóńilinen shyǵatyndaı deńgeıge kóterýge shyǵarmashylyq izdenisi jetetinin atap ótti. Sonymen Aqtóbede «Adyrna» respýblıkalyq ádebı-kórkem, kópshilik jýrnaly alashyna jol tartty. Jańa basylymnyń qazaq ádebıetine qosar úlesi, oqyrmandaryn oıly shyǵarmalarmen sýsyndatýdaǵy qadamy qutty bolsyn deımiz biz de.
Satybaldy SÁÝIRBAI,
«Egemen Qazaqstan»
AQTО́BE
