Halyqaralyq dzıýdo federasııasy jańa erejeler shyǵardy, dep habarlaıdy egemen.kz federasııa saıtyna silteme jasap.
Bul aldaǵy olımpıada sıklinde júzege asyrylady. Erejeni ózgertýdegi basty maqsat — dzıýdo sharttaryn xalyqqa ońaı túsindirý. Halyqaralyq deńgeıdegi testileýden ótkizý ýaqyty 2017 jyldyń qańtarynan bastalyp, tamyz-qyrkúıek aılarynda Býdapeshte ótetin álem chempıonatynan keıin aıaqtalmaq.
Jańa erejeler mynadaı bolmaq:
– Erler men áıelder básekesindegi beldesý ýaqyty – tórt mınýt; – Endi dzıýdoda tek vadzarı jáne ıppon bolady. Burynǵydaı ıýko degen upaı bolmaıdy. Iýko ádisi vadzarımen teńestirildi. Eki vadzarı buryn ıppon bolatyn, endi eki vadzarı ıpponǵa teńestirilmeıdi. Buryn tórt shıdo (eskertý) alǵan balýanǵa jeńilis jazylatyn. Endi jańa ereje boıynsha úsh shıdo alǵan balýan jeńilgen bolyp esepteledi. Eki ret aıaqtan ustasa Hansoku Make, ıaǵnı birden jeńilis. Balýan 45 sekýnd ishinde shabýyl jasamasa shıdo. Kúres ýaqyty — 4 mınýt; – «Altyn upaı». Eger upaı joq bolsa nemese teń bolǵan jaǵdaıda, beldesý «Altyn upaıǵa» (Golden Score) jalǵasady. Negizgi ýaqytta ıelengen árbir upaı men aıyptar tabloda qalmaq. «Altyn upaı» sheshimi jınalǵan upaı men shıdo kórsetkishteri arqyly anyqtalatyn bolady; Qazirgi ýaqytta «Shıdo» sany úsheý. Sondyqtan, úshinshisi «Hansoký» jasaýǵa múmkindik beredi; – «Kýmıkata» aıypty talap etpeıdi; – Tolyqtaı qorǵanysqa kóshken jaǵdaıda «shıdo» kórsetilmek; Aıaqtan nemese shalbardan ustaǵan dzıýdoshy, aldymen «shıdomen» jazalansa», artynsha «Hansoký» jasaýǵa múmkindik almaq; Sondaı-aq, komıtet qaýipsizdik jaǵyn qatań túrde qolǵa alǵandaı. Iаǵnı, jaraqattyń neǵurlym azaıǵanyn basty maqsat tutýda. Sol sebepti dzıýdoshy kúres barysynda bas, moıyn jáne jelkege qaýip týdyrǵan jaǵdaıda jazaǵa tartylatyn bolady. – Jasóspirimder arasyndaǵy álem chempıonatynyń júldegerleri eresekter reıtınginde upaı jınaıtyn bolady; Bul ózgeristerdiń naqty qujattary osy jyldyń sońyna deıin jasalyp bitpek. Odan bólek, bul sheshimder Halyqaralyq Olımpıada komıtetiniń qaraýynan ótedi.
