El birligin erekshelegen

 «Táýelsiz Qazaqstan» poıyzy Kúreńbelge aıaldap, Qapshaǵaıǵa keldi El Táýelsizdiginiń 25 jyldyǵyna arnalǵan «Táýelsiz Qazaqstan» poıyzy Kerbulaq aýdanynyń Saryózek beketine aıaldady. Almaty oblystyq Qazaqstan halqy Assambleıasynyń mú­sheleri jáne óńir turǵyn­darynan quralǵan 2000 adam qatysqan saltanatty jıyn ótti. Aksııany Kerbulaq aý­da­nynyń əkimi Baǵdat Álıev ashyp, temir jol beketine kelgen san sala mamandarynyń atqaratyn ju­mystaryna səttilik tiledi. Kelesi kezekte oblystyq QHA músheleri, ǵylymı-sarap­shy­lyq keńesiniń jáne etnomádenı bir­lestikterdiń ókilderi poıyzben kelgen mamandarmen etene aralasyp ketti. Quqyq, kəsipkerlik jəne bıznes, aýyl sharýashylyǵy, tutynýshylar quqyǵyn qorǵaý, bilim berý məseleleri boıynsha kásibı mamandar jumys jasady. Bul bekette de úmit artyp kelýshilerdiń kópshiligi densaýlyq saqtaý salasy mamandarynyń kómegine júginip, aýdandyq emhanada dərigerler kúni boıy emdelýshilerdi qabyldap, medısınalyq məseleler bo­ıynsha keńester berdi. Jalpy, dárigerlik qyzmet 248 adamdy qamtydy. Onyń ishinde 30-y bala boldy. Astana jáne Almaty qalalaryndaǵy me­dı­sınalyq ortalyqtarǵa 6 adam jibe­rilse, 2 adam úılerinde keńes aldy. Aýdandyq jumyspen qamtýdy úılestirý jáne áleýmettik baǵ­darlamalar bóliminiń ǵımaratynda áleý­mettik ahýal boıynsha 40 adam­nyń ótinish-tilekteri tyńdaldy. Ádi­let mınıstrligi ókilderiniń qaty­sýymen quqyqtyq kómek kórsetý jáne zań máseleleri boıyn­sha ótken qabyldaýǵa 15 adam keldi. Tu­tynýshylar tarapynan saý­da oryn­daryndaǵy baǵanyń turaqsyz­dyǵy, kókónisterdiń sapasy, sapasyz ónimderdi qalaı qaıtarýǵa bola­tyndyǵy týraly suraqtar qoıyl­dy. Kásipkerlik jáne aýyl sharýa­shy­lyǵy máseleleri boıynsha 30 adamǵa konsýltatıvtik keńester berildi. Joǵary oqý oryndaryna oqý­ǵa túsý úshin jetim balalar, az qam­tylǵan otbasylarynan shyqqan túlekterge jeńildikpen nesıe, depozıt bólýge qandaı kómek kórsetiledi? Balabaqshaǵa qabyldaý kezinde kóp balaly otbasynan shyqqan, nemese áleýmettik jaǵdaıy tómen ári az qamtylǵan otbasy balalaryna Úkimet tarapynan tólemaqyǵa 50 paıyzdyq jeńildikter qarastyrylǵan ba? Sha­ǵyn ortalyqtarǵa mýzyka, dene shy­nyqtyrý salalary boıynsha je­tekshiler jetispeıtindigi eskerilip, shtatty kóbeıtse, degen usynystar aıtyldy. Jalpy, is-sharaǵa 2 600-den asa adam qamtyldy. El saýalyn arqalaǵan «Təý­el­siz Qazaqstan» poıyzy Qap­shaǵaı qa­lasyna jol tartty. * * * Elimizdegi eń iri me­go­po­lıs­tiń irgesinde ornalasqan qapsha­ǵaı­lyqtardyń ózderin almatylyqtar sekildi sezi­ne­tinderi de ras. Olar bul kúni de tatýlyqtaryn aıqyn ań­­ǵartyp, «Táýelsiz Qazaqstan» po­ıy­zyn erekshe qurmetpen qarsy aldy. Memlekettik máni bar res­pýb­lıkalyq aksııany Qapshaǵaı qalasy ákiminiń orynbasary Qalqabaı Aqtanberdi ashyp berdi. Qalyptasqan dástúr boıynsha aksııa músheleri ózderine júktelgen mindetterin adal atqaryp, halyqtyń kóńilinen shyǵa bildi. – Altynkól beketinen Jetisý jerine kirgeli beri yrys­ty eldiń yntymaǵyn kórip, razy boldyq. Osy eldiń nıetiniń aqtyǵy áser etken de shyǵar, densaýlyq saqtaý, bi­lim berý, áleýmettik qoldaý, zań­gerlik kómek kórsetý sekildi san sala boıynsha respýblıkamyzdan jınalǵan bilikti mamandar sharsha­ǵan­dyqtaryn bildirmeı, ár beketke aıaldaǵan saıyn tyń kúshpen kómek kórsetti. Nátıjesinde halyq razy boldy. Ras, qalalardaǵydaı qol­­jetimdilik alystaǵy aýyl­­darda joq qoı. Sondyqtan qarapaıym ǵana bir jumys aýyl turǵyn­daryna úlken problema bolyp kórinedi. Ony jan-jaqty dáleldeýdiń ózi artyq. Tek túsinistikpen qaraý kerek te, múmkindiginshe kómektesý qajet. Mine, osyndaı ózekti másele­lerdi eskerse kerek, Elbasy arnaıy tapsyrma berip, bizdi Astanadan attan­dyrdy. Halyqqa kórsetken adal qyzmetimizdi buqaralyq aqpa­rat quraldary óz ýaqytynda sol elge kórsetip, jazyp ta otyrdy. Shyny kerek, Almaty oblysyn­da turatyn 103 etnos ókili ynty­ma­ǵymen, tatýlyǵyǵymen tánti etti. «Yrys aldy – yntymaq» degen qazaqy danalyqtyń jarqyn dále­li ekenin ańǵartty. Sondyqtan, jetisý­lyqtarǵa dán razymyz, – dedi «Táý­elsiz Qazaqstan» poıyzynyń jetek­shisi, L.N.Gýmılev atyndaǵy Eý­razııa ulttyq ýnıversıteti «Halyq­aralyq qatynastar» kafedra­synyń professory Ámirjan Álpeıisov. Sonymen, Jetisýdyń jetinshi beketinde de 2 500 adamǵa qyzmet kór­setip, konsýltatıvtik keńes berip, el alǵysyn arqalaǵan «Táýelsiz Qa­zaqstan» poıyzy Qapshaǵaıdan sońǵy beketi – Almatyǵa attanyp ketti. Nurbol ÁLDIBAEV, «Egemen Qazaqstan» Almaty oblysy