Elime de, Elbasyma da rızamyn

Men elimiz Táýelsizdiginiń 25 jyldyǵyna arnalǵan saltanat­ty májiliste Elbasymyz Nursultan Nazarbaevtyń qoly­nan Qazaqstannyń Eńbek Eri ata­ǵyn aldym. Bul – men úshin umy­tyl­maıtyn tarıhı sát. Nursultan Ábishuly keýdeme «Al­tyn Juldyzdy» taǵyp turǵanda tol­qyǵanymdy jasyra almaımyn. Árıne, eńbektiń elengenin árkim jaqsy kóredi, men de pen­de retinde sondaı baqytty sátti bastan keshtim. Osy habardy estip, sol baqytty sát jaqyn­daǵan saıyn júrek bulqy­nyp, marqum ákemniń, aýyl aqsa­qal­darynyń bala kezimizde shertken áńgimelerin, halqymnyń ózim oqyǵan tarıhyn oısha sholdym. Azattyq almaǵanymyzda eli­miz ekonomıkasynyń qarqyn­dy damýyna úles qosyp otyr­ǵan kásipkerlerdiń, tamasha ma­man­dardyń qadamy júrip, juldyzy jarqyraıdy deýdiń ózi beker bolar edi. Atalarymyzdyń syrt­qy jaýmen arpalysyp, atan­nyń qomynda, attyń jalynda júrip qorǵaǵan osynsha jerdi gúldendirý, keıingi urpaqqa mura etý – bizdiń qasıetti minde­ti­miz. Meniń qatarlastarym jas bolsaq ta azattyqty alyp, onyń irgesin bekitýdiń de ońaı bolma­ǵan­dyǵyn bilemiz. Elbasy Nursultan Nazarbaevtyń parasatty saıa­satynyń arqasynda Qazaqstandy álem tanydy. Elimizdiń joǵary ataǵyna ıe bolýym tek ózimniń ǵana eńbe­gim emes. Azattyq alǵan elin durys baǵytqa bastaǵan El­basy, 90-shy jyldardaǵy ekono­mıkalyq qıyndyqtardy birlesip jeńe bilgen el-jurtym, eńbek ujymym bolmaǵanda, men taý kóterer Tolaǵaı emespin, mundaı qoshemetti kórmes edim. Bul maǵan ǵana emes, Qostanaı oblysy eńbek­kerleriniń eńbegine berilgen baǵa dep túsinemin. Táýelsizdiktiń alǵashqy jyl­dary-aq Elbasymyzdyń «aldymen – ekonomıka, sosyn – saıa­sat» degeni barlyǵymyzdyń esimizde. Prezıdenttiń bas­taýymen ekonomıkany turaqtandyratyn, da­my­tatyn memlekettik iri baǵdar­lamalar qolǵa alyndy. Sol baǵ­darlamalar aıasynda aýyl sharýa­shylyǵy taýarlaryn óndirýshiler memleket tarapynan meılinshe kómek kórdik. Memleket kómek berip otyrǵanda bastaǵan isti nege uqsatýǵa bolmaıdy? Men sekil­di kásipkerler sony túsindik. Aýyl sharýashylyǵyn damytýǵa ózim shama kelgenshe jańa kózqa­raspen qaraýǵa tyrystym. Ol úshin eń aldymen babalar muraǵa qaldyrǵan jerdi aıalaý kerek boldy. Egin sharýashylyǵy da, mal sharýashylyǵy da jerdi kútpeı, oıdaǵydaı ónim bermeıdi. Ol úshin ozyq tehnıkalardy, úzdik tehnologııalardy paıdalanýǵa tolyq múmkindik jasaldy. Qazir bizdiń oblys dıqandary óndiretin astyq ta, un da eksportqa joǵary sapamen ótedi. Aýyl sharýashylyǵynyń áli de damı beretindigine ózim senimdimin. Qazir kásipkerlikke umtylǵan jastardyń barlyǵy da saýatty, bilimdi. О́zimizde óndirilgen shıkizattyń ózimizde óńdelýi kerektigin jaqsy túsinedi. Aýyl sharýashylyǵynda osy 25 jyl ishinde bizdiń oblys úshin ónimniń jańa túrleri óndirile bastady. Táýelsizdik alǵannan beri elimiz ekonomıkasy men áleýmettik salasy 17 ese ósti! Eńbektiń arqa­synda keń dalamyzdyń qasıe­ti artyp, Máńgilik El ıdeıasy­nyń mańyzy ǵasyrlardan ǵasyr­larǵa jalǵaspaq. Elbasy qoly­nan Qazaqstannyń Eńbek Eri ata­ǵynyń «Altyn Juldyzyn» alǵannan keıin osyndaı oılardyń jeteginde boldym. Eńbek oılaǵan maqsatqa jetki­zedi, mereılendiredi. Bizdiń Táýel­siz elimizdegi eńbek adamyna degen qurmet meni de qanattandyrdy. Elime qalaı, Elbasyma qalaı rıza bolmaıyn. Meniń júregimdi bul­qyntqan, kókiregimdi kergen maqtanysh osy edi. Almat TURSYNOV, Qazaqstannyń Eńbek Eri Qostanaı oblysy