Jemisti eńbekke – joǵary marapat

Keshe Aqordada Elbasy Nursultan Nazarbaev elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi jáne belsendi qoǵamdyq qyzmeti úshin bir top azamatqa memlekettik nagradalar tapsyrdy. Olardyń qatarynda óndiris, bıznes, bilim berý, densaýlyq saqtaý salalarynyń kórnekti ókilderi, áskerı qyzmetshiler, quqyq qorǵaý organdarynyń qyzmetkerleri, sportshylar, ǵylym jáne mádenıet qaıratkerleri bar. Saltanatty sharada Prezıdent Nursultan Nazarbaev birinshi kezekte jurtshylyqty Táýelsizdiktiń 25 jyldyq merekesimen quttyqtaı kelip, atalǵan marapattaý sha­ra- synyń mańyzdylyǵyna toq­taldy. – Barshańyzdy alda kele jatqan elimizdiń Táýelsizdik kúni merekesimen shyn júrekten quttyqtaımyn. Bul – Qazaq eliniń jahanǵa tanylǵan, barlyq ıgiligimizdiń bastaýy bolǵan eń basty merekemiz. Sizder osyndaı aıtýly kún qarsańynda joǵary marapatqa ıe bolyp otyrsyzdar. Bul – jeke azamattar arqyly barsha halqymyzdyń istegen eren eńbegine degen baǵa. Kez kelgen el óziniń eren ónerimen, máıekti mádenıetimen erekshelenedi. Bul rette talantty týyndy tutas ulttyń rýhanı qazynasyn baıyta túsedi. Osyǵan oraı búgin ádebıet pen óner salasyndaǵy memlekettik syılyqtardy da tapsyrǵaly turmyz. Aqordanyń tórine jınalǵan barshańyz úshin bul erekshe mereıli sát dep bilemin. Qýanyshtaryńyz qutty bolsyn! – dedi Elbasy. Odan ári Memleket basshysy el Táýelsizdigi basty qundylyǵymyz ekenin aıta kelip, marapat ıeleriniń el damýyndaǵy eńbegine nazar aýdardy. – Ardaqty aǵaıyn, Táýelsizdik kez kelgen eldiń baǵa jetpeıtin eń qasterli qundylyǵy bolyp tabylady. Biz – azattyqtyń arqasynda aıymyz ońynan týyp, tórtkúl dúnıege túgel tanylǵan halyqpyz. Shırek ǵasyrda el esinde qalatyn ulan-ǵaıyr ister atqardyq. Osy jyldardaǵy barlyq jetistikter árbir qazaqstandyqtyń eren eńbeginiń nátıjesi bolyp tabylady. Sonyń ishinde búgingi marapat ıeleriniń árqaısysynyń qosqan úlesi zor. Sizder ónegeli isterińizben ózgelerge úlgi bolyp, kópshilik qurmetine bólenip júrsizder. О́z eńbekterińizben elimizge bedeldi azamattar boldyńyzdar. О́z salasynda erekshe tabysqa jetip júrgen azamattar eń joǵary nagradaǵa laıyqty dep sanadyq, – dedi Qazaqstan Prezıdenti. Sonymen qatar, Memleket basshysy bıylǵy memlekettik nagradalarmen marapattaý saltanatynyń ózindik erekshe mańyzy bar ekenin, bul sharanyń elimizdiń eń ulyq merekesi – Táýelsizdiktiń 25 jyldyǵynyń aıasynda ótip otyrǵanyn jetkizdi. Sondaı-aq, Elbasy Táýelsizdiktiń shırek ǵasyrynda óziniń eńbegimen, belsendi qyzmetimen elimizge, qoǵamymyzǵa tanylyp, memlekettik nagradalarǵa ıe bolǵan otandastarymyzdyń tutastaı shoqjuldyzy paıda bolǵanyn, olardyń el maqtanyshyna aınalǵanyn atap kórsetti. Budan keıin memlekettik nagradalardy tapsyrý rásimine kezek berildi. Sonymen, shara barysynda tómendegi azamattar marapattaldy. Qazaqstan Respýblıkasy eko­no­mıkalyq, áleýmettik-gýmanı­tarlyq damytýdaǵy asa úzdik jetistikteri úshin «Qazaqstannyń Eńbek Eri» ataǵy «Ulttyq neırohırýrgııa ortalyǵy» AQ basqarma tóraǵasy S.Q.Aqsholaqov pen Qostanaı oblysy Qarasý aýdany «Qarasý» SО́K» JShS bas dırektory A.J.Tursynovqa tapsyryldy. Al memlekettik jáne qoǵamdyq qyzmette sińirgen eńbegi, eldiń áleý­mettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan úlesi úshin I dárejeli «Barys» ordenimen – Prezıdent Ákimshiliginiń Basshysy Á.R.Jaqsybekov já­ne Joǵarǵy sottyń tóraǵasy Q.Á.Mámı, II dárejeli «Barys» orde­nimen – «Ulttyq shtattyq koman­dalar jáne sport rezervi dırek­sııasy» RMQK nusqaýshy-sport­shysy Z.R.Gabıdýllına, «Qazaqstan Respýblıkasy Ulttyq ǵylym aka­de­mııasy» RQB prezıdenti M.Ju­rynov, Ulttyq qaýipsizdik komı­tetiniń tóraǵasy K.Q.Másimov, Qazaqstan Respýblıkasynyń Reseı Federasııasyndaǵy Tótenshe jáne ókiletti elshisi M.M.Tájın, Prezıdent janyndaǵy Memlekettik basqarý akademııasynyń Memlekettik jáne jergilikti basqarý ınstıtýtynyń dırektory Z.L.Fedotova, Qazaqstan Prezıdenti Is basqarýshysynyń birinshi orynbasary D.Q.Ińkárbaev, III dárejeli «Barys» ordenimen – kompozıtor A.Qorazbaev, «Nur Otan» partııasy Tóraǵasynyń birinshi orynbasary M.A.Qul-Muhammed, Ońtústik Qazaqstan oblysy «SAÝTS OIL» JShS prezıdenti S.Seıitjanov, «Qa­zaqstan Halyq Banki» AQ basqarma tóraıymy Ú.B.Shaıahmetova marapattaldy. Sondaı-aq, «Parasat» or­denin – Qazaq ulttyq horeografııa aka­demııasynyń rektory A.Á.Asyl­muratova, Qaraǵandy oblysynyń ákimi N.Q.Ábdibekov, Densaýlyq saqtaý jáne áleýmettik damý mınıstri T.B.Dúısenova, Astana qalasynyń ákimi Á.О́.Isekeshev, Mádenıet jáne sport mınıstri A.Muhamedıuly, Atyraý oblysynyń ákimi N.A.Noǵaev jáne «Qazaqstan Kameratasy» klas­sıkalyq mýzyka ansambliniń dırektory G.Q.Myrzabekova ıelendi. Buǵan qosa, I dárejeli «Dostyq» ordeni – Konstıtýsııalyq Keńestiń tóraǵasy I.I.Rogovqa, II dárejeli «Dos­tyq» ordeni – «Tań» tatar-bash­qurt etnomádenı birlestiginiń tóraǵasy R.G.Valıevke, «Qurmet» ordeni – «Ulttyq shtattyq komandalar jáne sport rezervi dıreksııa­sy» RMQK nusqaýshy-sportshysy R.Z.Qoı­shybaevaǵa tapsyryldy. Sondaı-aq, III dárejeli «Eńbek Dańqy» ordenimen – «KazArmaProm» JShS slesari M.S.Ahmetsafın, «Kaz­sınk» JShS О́skemen metallýrgııa kesheniniń balqytýshysy B.M.Baı­bosynov, «Jambyl sement óndi­ristik kompanııasy» JShS mashı­nısi E.B.Shevıakov, «Qazaq­stannyń eńbek sińirgen qaıratkeri» qur­metti ataǵymen – «Astana Opera» mem­lekettik opera jáne balet teatry­nyń jetekshi balet solısi Á.B.Beke­taeva, Q.Qýanyshbaev atyndaǵy Mem­lekettik akademııalyq qazaq mýzy­kalyq drama teatrynyń ártisi A.B.Ber­muhambetova marapattaldy. Budan keıin áskerı jáne qyzmet­tik boryshyn úlgili atqarǵany, zań­dylyq pen quqyqtyq tártipti qamta­masyz etýde kórsetken erligi úshin I dárejeli «Dańq» ordeni – Ishki ister mınıstriniń orynbasary E.Tur­ǵymbaev pen Qarýly Kúshter Bas shtaby bastyǵynyń orynbasary Á.Q.Halyqovqa, II dárejeli «Dańq» ordeni – Ulttyq qaýipsizdik komı­teti tóraǵasynyń orynbasary S.S.Ábish pen Ulttyq qaýipsizdik komıteti tóraǵasynyń orynbasary – «Arystan» qyzmetiniń bastyǵy Á.T.Sadyqulovqa, I dárejeli «Aıbyn» ordeni – Memlekettik kúzet qyzmetiniń apparat basshysy Á.Á.Jú­sipovke, II dárejeli «Aıbyn» ordeni – Qorǵanys mınıstrligi 10216 ás­kerı bóliminiń komandıri T.J.Áji­baevqa, III dárejeli «Aıbyn» ordeni – Ulttyq ulan «Batys» óńir­lik qolbasshylyǵy 6655 áskerı bóli­miniń sarbazy B.Q.Qaıyrbekov pen Ishki ister mınıstrligi Almaty qalasy mamandandyrylǵan kúzet qyz­meti basqarmasynyń polıseıi N.A.Qartbaevqa, «Qurmet» ordeni Qor­ǵanys mınıstrligi Avıasııalyq oqý ortalyǵynyń izdeý-qutqarý jáne parashıýttik-desanttyq qyzmetiniń bastyǵy A.Á.Qaratabanovqa berildi. Jıynnyń budan keıingi bóligi 2016 jylǵy Ádebıet pen óner sala­syndaǵy Memlekettik syılyqty tap­syrý rásimine ulasty. Saltanatty shara barysynda Mem­leket basshysy ústimizdegi jyly Mem­lekettik syılyq jónindegi komıs­sııa 4 týyndyny iriktep alǵan­dyǵyn atap ótti. – Joǵary marapatqa elorda­myzdaǵy «Máńgilik El» monýmentiniń av­torlary laıyq dep tanyldy. Bizde, elor­damyzda mundaı ǵımarattar az emes. Degenmen, «Máńgilik El» – maǵynasy jaǵynan da, kór­kemdik jaǵynan da ózimizge de, bas­qalarǵa da belgili bolyp kele jatqan ǵımarat. Muny Táýelsiz elimizdiń mártebesin sáýlet óneri ar­qyly sátti aıshyqtaıtyn týyndy dep sanaımyz, – dedi Nursultan Nazarbaev. Naqtylaı aıtqanda, Memle­kettik syılyq «Máńgilik El» mo­nýmenti úshin avtorlar ujymy – I.N.Tasmaǵambetovke, S.S.Janbo­latovqa, M.A.Mansurovqa, N.A.Dal­baı­ǵa berildi. Kelesi Memlekettik syılyq «Qunanbaı» fılmin túsir­gen shyǵarmashylyq topqa – D.Q.Joljaqsynovqa, R.Odınaevqa, A.J.Bektemirge, N.R.Salyqovaǵa tapsyryldy. Bul oraıda Elbasy kınoda uly Abaıdyń ákesi Qunanbaı taǵdyry arqyly halyq ómiriniń kúrdeli kezeńi beınelengenin jetkizdi. Memleket basshysy taǵy bir Memlekettik syı­lyqty belgili jazýshy Beksultan Nur­jekeevke «Áı, dúnıe-aı» romany úshin tabystady. Qazaqstan Prezıdenti bul shyǵarma elimizdiń táýelsizdikke deıingi 75 jyl tarıhyn qamtıtynyn, 1916 jylǵy ult-azattyq kóterilis kezinde Jetisý óńiri halqy basynan ótkizgen qıly kezeń romannyń ózegine aınalǵanyn atap kórsetti. Qazaqstan Prezıdenti kelesi Memlekettik syılyqty Qazaqstan Respýblıkasy Táýelsizdiginiń 25 jyldyǵyna arnalǵan «Táýelsizdikke tartý» jumystar sıkly úshin sýretshi Kamıl Mýllashevqa tapsyrdy. Sońynda Elbasy Nursultan Nazarbaev marapat ıelerin taǵy da quttyqtap, olarǵa eńbekte tabysty bola berýlerin tiledi. Joldybaı BAZAR, «Egemen Qazaqstan» Sýretter Prezıdenttiń baspasóz qyzmetinen alyndy