Astanaǵa Izraıl premer-mınıstri keldi

Izraıldiń premer-mınıstri Bınıamın Netanıahý Astanaǵa keldi. Vıdeo Youtube-degi resmı arnada paıda boldy, dep habarlady QazAqparat. Bul - Netanıahýdyń Astanaǵa alǵashqy sapary. Qazaqstan Prezıdenti Nursultan Nazarbaev ızraıldik premermen kelissóz júrgizedi dep kútilýde. Olar birlesken bıznes-forýmǵa qatysady. Basty nazarda ekonomıkalyq ózara is-qımyl máselesi bolmaq. Astanada birlesken bıznes-forým josparlandy, oǵan tek ızraıldik taraptan 70-ke jýyq kásipker qatysady. Shara Qazaqstan men Izraıldiń iskerlik ortalarynyń saýda-ekonomıkalyq, ınvestısııalyq yntymaqtastyǵyn jandandyrýǵa, ınvestısııa úshin jańa múmkindikterdi talqylaýǵa baǵyttalǵan. Atap aıtqanda, talqylaý AО́K, medısına, azamattyq qaýipsizdik, qorǵanys ónerkásibi sııaqty salalardy qamtıdy. Iskerlik baılanystardy jeńildetý sapar barysynda talqylanatyn eki el arasyndaǵy tikeleı avıaqatynasty ornatýǵa yqpal etetin bolady.