EAEO qataryn kóbeıtýdi qarastyrmaıdy

Eýrazııalyq ekonomıkalyq odaqtaǵy (EAEO) yqpaldastyq prosesi birtindep júrýge tıis, oǵan múshe memleketterdiń qataryn kóbeıtýdiń qajettiligi joq. Eýrazııalyq damý bankiniń basqarma tóraǵasy Dmıtrıı Pankın osylaı dep sanaıdy. Bul týraly abctv.kz jazyp otyr. «Qalaı da bolmasyn, tez arada elder qataryn kóbeıtýge tyrysyp, qandaı da bir saıası ýaǵdalastyqtarǵa barmaý qajet.  Bálkim bul telearna, baspasóz turǵysynan qaraǵanda ádemi estiletin shyǵar. Mine, jańa el qosyldy. Tamasha, biryńǵaı valıýta qurdyq degen syńaıly...  Biraq jar salyp aıtyp, keıin ekonomıkalyq  máseleler týyndap, qandaı da bir elde ekonomıkalyq daǵdarys týyndaǵan kezde saldary aýyr bolady», – dedi Dmıtrıı Pankın. Onyń aıtýynsha, ázirshe biryńǵaı valıýta, ortalyq bank jáne ortaq qarjy naryǵyn qurýdyń qajettiligi joq Degenmen Dmıtrıı Pankın qazirgi tańda EAEO-ǵa enýge naqty jalǵyz úmitker Tájikstan ekenin tilge tıek etti. Alaıda Eýrazııalyq ekonomıkalyq odaq kelissózder barysyn jedeldetýge asyqpaıdy. «Olar saralap jatyr. Biraz ýaqyttan beri qaralýda, biraq eshkim qandaı da bir qadam jasaǵan joq. Tájikstanǵa jeńildikter berip, ol qatarymyzǵa qosylsyn demeıdi.  О́ıtkeni qatarymyzdy kóbeıtý maqsaty joq. Mańyzdysy – barlyq ishki prosesterdi túzip, ishki naryqtar boıynsha kelisimge kelý qajet», – dep atap ótti ol.