Shavkat Mırzıeevti ulyqtaý rásimi ótti

Búgin Tashkentte О́zbekstan Respýblıkasy Prezıdentiniń saltanatty túrde laýazymyna kirisýine arnalǵan Olıı Majlıs palatalarynyń birlesken otyrysy ótti, dep habarlady О́zbekstan Respýblıkasy Prezıdentiniń baspasóz qyzmetine silteme jasaǵan QazAqparat. Saltanatty sharaǵa О́zbekstan úkimetiniń músheleri, mınıstrlikter men vedomstvolar, Ortalyq saılaý komıssııasynyń basshylary, shetel memleketteri elshilikteriniń, halyqaralyq uıym ókildikteriniń ókilderi, otandyq jáne shetel buqaralyq aqparat quraldarynyń ókilderi qatysýda. Birlesken otyrysty О́R Ortalyq saılaý komıssııasynyń tóraǵasy M.Abdýsalomov ashty. Ol 4 jeltoqsanda ótken О́Z Prezıdentiniń saılaý nátıjesi jaıly atap ótti. El prezıdenti bolyp  88,61 paıyz daýys jınaǵan, Kásipkerler jáne isker adamdar qozǵalysy - О́zbekstan lıberaldyq-demokratııalyq partııadan Shavkat Mıromonuly Mırzıeev saılandy. Sondaı-aq, saılaý nátıjeleri 2016 jylǵy 9 jeltoqsanda OSK otyrysynda qaraldy. Onda Shavkat  Mırzıeevti О́zbekstan Respbýlıkasynyń Prezıdenti laýazymyna saılanǵan dep esepteýdi qaýly etti. OSK tóraǵasy jınalǵandar men eldiń barlyq saılaýshylary atynan Shavkat  Mırzıeevti О́zbekstan Prezıdenti bolyp saılanýymen quttyqtap, oǵan Prezıdent kýáligi men OSK kýáligin tabys etti. О́zbekstan Respýblıkasy Konstıtýsııasynyń 92-babyna sáıkes Shavkat Mırzıeev bylaı dep ant berdi: «О́zbekstan halqyna adal qyzmet etýge, el Konstıtýsııasy men zańdaryn qatań ustanýǵa, azamattardyń quqyqtary men bostandyqtaryna kepildik berýge, О́zbekstan Respýblıkasy Prezıdentine júktelgen mindetterdi adal oryndaýǵa saltanatty túrde ant etemin».