250 oqýshy Elbasynyń atynan syılyqtar aldy

Táýelsizdiktiń 25 jyldyq merekesi qarsańynda Ońtústik Qazaqstan oblysynyń 250 oqýshysy Elbasynyń atynan syılyqtar aldy, dep habarlaıdy QazAqparat. Olardyń 10-y oqý ozattary, qalǵany - erekshe oqytýdy qajet etetin jáne ata-ana qamqorlyǵynsyz qalǵan balalar. Búldirshinderge syılyqty oblys ákimi Janseıit Túımebaev tapsyrdy. Pernehan Turarbek Shymkenttegi Ahmet Baıtursynov atyndaǵy №50 mektep-gımnazııasynda oqıdy. Oqý ozaty. Bilimdi shákirt bolashaqta qurylysshy bolýdy qalaıdy. Eldiń órkendeýine ózinshe úles qosqysy keletin jas búgin arnaıy syılyq alǵanyna razy. Merekelik keshte balalarǵa syılyqtan bólek, arnaıy dastarhan jaıyldy. Olarǵa ár alýan táttiler usynyldy. Al, saltanatty sharaǵa qatysqan óńir basshysy balǵyndardyń qolóner týyndylaryn arnaıy kórmeden tamashalap, shyǵarmashylyqtaryna tabys tiledi. О́z kezeginde Túımebaev balalardy merekemen quttyqtap, oqýshylarǵa Elbasy ómirin úlgi etti. «Elbasy atqa minedi, sportpen aınalysady, Sizder de sondaı bolyńyzdar. Sizderge amandyq tileımin. Osy egemendigimizdiń kelesi 50 jyldyǵynda sizder memleketimizdiń odan saıyn kemeldi bolýyna at salysyńyzdar. Barlyqtaryńyzǵa densaýlyq tileımin»,-dedi oblys ákimi óz sózinde. «Bar meıirimimiz - balalarǵa!».  Osy ataýǵa ıe qaıyrymdylyq sharasy oblystyń barlyq aýdan-qalasynda uıymdastyryldy. Aksııa aıasynda bir kúnde 6 myń búldirshinge qamqorlyq  kórsetý josparlanǵan.