AQSh-taǵy munaı qorynyń kóbeıýi teńgeni álsiretýde

Qor bırjasyndaǵy kúndizgi saýda-sattyqtyń nátıjesi boıynsha bir dollardyń quny 331,25 teńgeni qurady. Al tańǵy jáne kúndizgi sessııalardyń qorytyndysy boıynsha 330,58 teńge boldy. Apta basynan beri salystyrmaly túrde turaqty saqtalǵan munaı baǵasy AQSh-taǵy munaı qorynyń kóbeıgeni týraly aqparattyń jarııalanǵanynan keıin azdap tómendep, Astana ýaqytymen saǵat 12:17-de Brent baǵasy 1,11 paıyz arzandap, 55,10 dollarǵa tústi. Sonymen qatar 2017 jyldyń 1 qańtarynan bastap munaı óndirisin azaıtý kelisiminiń kúshine engenine deıin jeltoqsan ishinde OPEK elderi qarashadaǵymen salystyrǵanda óndiris kólemin kóterip jibergen. Amerıkanlyq munaı ınstıtýtynyń málimetinshe, AQSh-taǵy munaı qory apta ishinde 490,1 mln barrelge deıin jetken. Sonymen qatar qazir naryq AQSh Federaldy qorynyń sheshimin kútip otyr. 13-14 jeltolqsanda ótip jatqan Federaldy qor otyrysynda dollardyń bazalyq stavkasy kóteriletin bolsa, sarapshylar dollardyń kúsheıetinin alǵa tartady. Olaı bolǵan jaǵdaıda, qara altynnyń quny taǵy quldyraýy múmkin.