Avtokólik saýdasy 56%-ǵa tómendedi

Qarasha aıynda avtoortalyqtardyń resmı dılerine 4187 avtokólik satyldy, bul osy jyldyń qazanymen salystyrǵanda 9,6% -ǵa joǵary, biraq bul 2015 jyldyń qarasha aıyna qaraǵanda 32,4%-ǵa tómen. Bul týraly «QazAvtoProm» AQ baspasóz qyzmeti habarlady. Qarasha aıynyń kórsetkishi boıynsha jeńil avtokólikterdi dollarmen satý jyl basynan beri tuńǵysh ret byltyrǵy kórsetkishten basym tústi. «1 aıdyń ishinde qazaqstandyqtar jańa kólikter satyp alý úshin 97,4 mln dollar jumsaǵan, bul 2015 jyldyń qarasha aıyndaǵy sáıkes máninen 17% joǵary», — dep aıtylady KazAvtoProm habarlamasynda. Jalpy alǵanda, 2016 jyldyń qańtar-qarasha aılarynda resmı dılerine 38 779 jeńil jáne jeńil kommersııalyq avtokólik satyldy, ol ótken jyldyń osy kezeńine qaraǵanda 56%-ǵa tómen satyldy. 2015 jyly 88 396 birlik satylǵan. 2016 jyldyń 11 aıy boıynsha naryq kólemi 758 mln dollar qurady. Satyp alýshylardyń 24%-y qazaqstandyq avtokólikterdi tańdaǵan, 76%-y ımporttyq avtokólikterdi satyp alǵan. «QazAvtopromnyń» aqparatynsha, resmı dılerler úlesine respýblıka terrıtorııasynda jańa tirkelgen kólikterdiń 95%-y tıesili. Eń kóp satylǵandary — Toyota (7592 birlik), Lada (7300 birlik) jáne Renault (3448 birlik) avtokólikteri boldy. Avtokólikter eń kóp satylǵan aımaqtar — Almaty (11 827), Astana (6803) jáne Atyraý (2831) qalalary.