«Men Qazaqstandy beıneleımin»

Á.Qasteev atyndaǵy Memlekettik óner mýzeıinde elimiz Táýelsizdiginiń 25 jyldyǵyna arnalǵan balalar men jasóspirimderdiń «Men Qazaqstandy beıneleımin» atty baıqaýynyń qorytyn­dysy boıynsha balalar shyǵarmashy­lyǵy kórmesiniń saltanatty ashylýy ótti. Baıqaýdy uıymdastyrǵan «Indıgo» beıneleý óneri stýdııasy men Qazaqstandaǵy «Shevron» kompanııasy. Ekspozısııada «Indıgo» beıneleý óneri stýdııa­synyń, №1 jáne №2 balalar úıleriniń oqýshy­lary men Almaty qalasyndaǵy jalpy bilim beretin mektepterdiń oqýshylarynyń jumystary qoıyldy. «Bizdiń kompanııa – Qazaqstanǵa 1993 jyly kelip, jas táýelsiz memleketke qoldaý kórsetip, senim art­qan batystyq alǵashqy iri ınvestor. Biz tek energo­resýr­stardy óndirý salasynda ǵana emes, qazaq­stan­dyq­tardyń, sonyń ishinde mektep oqýshylarynyń zııatkerlik áleýetin bar múmkindiginshe ashýǵa kómek­te­setin kóptegen áleýmettik jobalarǵa uzaq jyldar boıy seriktes bolǵanymyzdy maqtanysh etemiz», – dedi  «Shevron» kompanııasynyń ókili Leıla Aıtmuhanova. «Máńgilik El»  qundylyqtarynyń tujyrym­dama­syn qamtıtyn bul baıqaý 25 jeltoqsanǵa deıin jalǵaspaq. Baıqaý maqsaty – otansúıgishtikke tár­bıeleý, Qazaqstan halyqtarynyń mádenıeti men dástúrlerin súıip, qurmetteýge úıretý, rýhanı birlik pen kelisim ıdeıalarynyń jáne qoǵamdaǵy turaq­ty­lyq­tyń qalyptasyp, taralýyna, sondaı-aq, shyǵar­mashy­lyq daǵdy men beıneleý ónerin kópshilikke tanytyp, dáripteýdi damytý. Baıqaýǵa qatysýshylar beıneleý quraldarymen týǵan jerdiń tabıǵatyn, súıikti qalasyn, sáýlettik jetistikterdi, túrli halyqtar men ulystardyń ózara qarym-qatynasy men mádenıetin, búkil qazaq­stan­dyqtardyń ortaq úıi – Astanany qalaı elestetetinin beınelep kórsetýge tyrysqan. Baıqaý jeńimpazdaryn marapattaý rásiminen ózge, kıiz basýdan, qysh quıýdan, keskindemeden sheberlik sa­baq­tary ótkizilip, mýzeı zaldary boıynsha ekskýrsııalar júrgizilip, qýyrshaq teatrynyń qoıylymy kórsetildi. Mıra BAIBEK, «Egemen Qazaqstan» ALMATY Aqadyr kenti