Tuǵyrymyz – tórde!

Qazaqta «О́zi jaqsy kisige bir adamdyq oryn bar» degen ataly sóz bar. Qazaqstanymyz Birikken Ulttar Uıymynyń Qaýipsizdik Keńesine 2017-2018 jyldarǵa turaqty emes múshe bolyp saılanǵanyn estigende osy esti sóz eske túsken edi. Álbette, abyroı-bedel degen – qasyqtap jınalatyn dúnıe. Osy turǵydan alǵanda, Qazaqstan jyldar boıy dostyq pen birlikti dáriptep, beıbitshilik súıgish saıasat júrgizip, álemdik qoǵamdastyq aldynda zor bedelge ıe boldy. Bizdiń eldegi yntymaq uıa salǵan bereke-birlikti, shańyraǵy shaı­qalmaǵan turaqtylyqty kórip-bilip otyrǵan alpaýyt mem­leketterdiń Qazaqstanǵa degen kóz­qarasy durys qalyptasyp úlgerdi. Qazaqstan ózge túgili óziniń máselesin sheshe almaı otyrǵan el bolsa, álemniń 138 eli bir kisideı daýys berip, Qaýipsizdik Keńesi syndy saıası mańyzy zor uıymǵa múshe etip saılar ma edi?! Táýelsizdigin alǵanyna nebári shırek ǵasyr ǵana ótken jas memlekettiń osynsha deńgeıge jetip, álemniń ozyq elderi arasynda óz ornyn oıyp alǵanyn óz basym Tuńǵysh Prezıdentimiz Nursultan Nazarbaevtyń esimimen tikeleı baılanystyrar edim. Muny biz ǵana emes, kúlli álem aıtyp, moıyndap otyr. Saıasaty san qyrly, ustanymy aıqyn eldiń endi jahandyq máselelerdi sheshý isterine aralasýy – Qazaqstan úshin ǵana emes, búkil Azııa, Túrki dúnıesi úshin de zor mártebe. Munyń ózi bizderdiń otansúıgish rýhymyzdy asqaqtatyp, mereıimizdi tasytatyny sózsiz. Iá, álemdik qoǵamdastyq Qazaq­stanǵa zor senim artty. Mu­nyń jaýapkershiligin sezinýdiń ózi bolashaqqa degen qadamnyń nyq bolýyna ıgi áserin tıgizedi dep esepteımin. О́ıtkeni, óziniń ishki sharýasyn tap-tuınaqtaı túgen­dep otyrǵan el tórtkúl dúnıeniń nebir kúrdeli máseleleri aldynda da tosyrqamaıdy dep senemin. Biz, jastar Elbasy, «Nur Otan» partııasynyń Tóra­ǵasy Nursultan Ábishuly Nazarbaev­taı Kóshbasshynyń ónegesin kórip, álem tanyǵan Qazaq­stan syndy elde ómir súrip jatqa­nymyzdy maqtan etemiz! Nurjan JETPISBAEV, «Nur Otan» partııasy «Jas Otan» jastar qanaty Qaraǵandy oblystyq fılıalynyń tóraǵasy