Kópten kútken qos qýanysh

El Táýelsizdiginiń 25 jyldyǵyna oraı Qyzyljar aýdanynda birneshe áleýmettik nysan jurtshylyq ıgiligine paıdalanýǵa berildi. Beskól kentinde boı kóter­gen 18 pá­terli arendalyq jataq­ha­na­nyń ashylý saltanatyna oblys ákiminiń birinshi orynbasary Aıdarbek Saparov qa­tysyp, jańa páterdiń kiltterin tabys etti. Ol óz sózinde bıyl óńirde 170 myń sharshy metr turǵyn úı tur­ǵy­­zylǵanyn, «Jumyspen qam­týdyń jol kartasy-2020» mem­­lekettik baǵ­darlamasy aıa­syn­da 307 eldi mekende jáne 4 shaǵyn qalada abattandyrý ju­mys­ta­ry júrgizilip jatqanyn jet­kizdi. Sonymen qatar, aýyl­ishi­lik joldar jóndelip, ja­ryqtandyryldy, sport ke­shen­deri qalpyna keltirildi. «Lıra» JShS ózine júktelgen tapsyrmalardy tap-tuınaqtaı atqaryp, eńbek ýchaskelerine 40-qa jýyq jergilikti turǵyn tartylǵan. Ony salýǵa res­pýb­lıkalyq jáne jergilikti qa­zy­na­lardan 160 mıllıon teń­ge bólinip, abattandyrýǵa, ınjenerlik jeliler tartýǵa 44 mıllıon teńge baǵyttalǵan. Ortalyqtandyrylǵan jylytý júıe­si­ne qosylǵan. Úsh bólmeli jaıly pá­terge qonystanǵan Rýslan men Dana Kákenovtar «Jumyspen qamtýdyń jol kartasy-2020» baǵdarlamasy aıasynda alty aı óndiristik tájirıbeden ótip, aýdanda jumysqa orna­las­qan. Rýslan «Kúzet» meke­mesinde, Dana aýdandyq jer qatynastary bóliminde qyzmet atqarady. Jas otbasylarǵa aı saıyn bar-joǵy 5 myń teńge jalgerlik aqy tóleý jeńildikteri qarastyrylǵan. Osy aýdannyń Novonıkolsk aýylynda taǵy bir nysan ashyldy. Zamanaýı qural-jab­dyq­tar ornatylǵan dárigerlik am­bý­latorııanyń eki myńdaı tur­ǵy­ny bar eldi meken úshin mańyzy zor ekeni aıtpasa da túsinikti. Endi, bas aýyryp, baltyr syzdaı qalsa, alysqa sabylmaıdy. Munda naýqastarǵa barlyq jaǵdaı jasalǵan. Dárigerge deıingi tekserý, medısınalyq muraǵat, fızıoterapevt jáne taǵy basqa 26 kabınet ornalasqan ǵımarattyń jalpy aýmaǵy 416 sharshy metrdi quraıdy. Em-dommen toǵyz maman aınalysady. Jalpy, praktıka jáne tis dárigerlerimen de qamtylǵan. Al­daǵy ýaqytta naýqastardyń den­saý­lyǵyna qatysty jıyntyq má­lim­et­terdi qamtamasyz etetin elektro­n­- ­dy qujattandyrý júıe­sine kóshý, sondaı-aq, kórshi eldi mekenderdiń turǵyndaryna da medısınalyq kómek kórsetý josparlanǵan. A.Saparov ujymǵa «jedel járdem» kó­­ligin tartý etti. Ta­ǵy eki kólik orta­lyq aýrýhana men Sokolovka fel­d­sher­lik-aký­sherlik pýnktke berildi. Dárigerlik ambýlatorııa Qazaqs­tannyń Eńbek Eri, bel­gi­­li dıqan Gennadıı Zenchenko je­­tekshilik etetin ko­mandıttik se­rik­testik bólgen 75 mıllıon teńgege turǵyzyldy. О́mir ESQALI, «Egemen Qazaqstan» Soltústik Qazaqstan oblysy