Men álemdi tańǵaldyrýǵa daıynmyn - Djeıkobs

Amerıkalyq Denıel Djeıkobs jeńilip kórmegen qazaqstandyq Gennadıı Golovkınmen aldaǵy jekpe-jegine qatysty pikir bildirdi, - dep habarlaıdy Vesti.kz. Djeıkobs Instagram jelisindegi paraqshasynda jekpe-jek jaıly vıdeoúndeý jarııalady. "Jańalyǵym bar. Men 18 naýryzda Madison Square Garden arenasynda GGG-men judyryqtasamyn. Kúttirip qoıǵanym úshin keshirim suraımyn. Bir jaǵdaılardy retteý kerek boldy, endi barlyǵy óz ornyna keldi, úmitim zor. Men álemdi tańǵaldyrýǵa daıynmyn. Brýklın, bul qolymnan keledi", - deıdi Djeıkobs. Aıta keteıik, osyǵan deıin qazaqstandyq boksshy Gennadıı Golovkın amerıkalyq Denıel Djeıkobspen jekpe-jekke qashan shyǵatynyn jarııalaǵan edi. GGG Dennı Djeıkobspen 18 naýryzda Nıý-Iorktegi Madison Square Garden arenasynda judyryqtasady. Jekpe-jekti HBO (PPV) arnasy tikeleı efırde kórsetedi.