AIBA Qazaqstan boks federasııasyn marapattady

Halyqaralyq boks qaýymdastyǵy 2016 jyldyń mamyr aıynda ótken bokstan áıelder arasyndaǵy álem chempıonatyn áýesqoılar boksyndaǵy erekshe oqıǵa dep atady. Nagradany Shveısarııadaǵy jyl qorytyndysyna arnalǵan arnaıy kezdesýde Qazaqstan boks federasııasynyń atqarýshy dırektory Bekjan Bektenovke AIBA tabystady. Astanadaǵy álem chempıonatyna 65 elden kelgen 295 sportshy qatysty, dep habarlaıdy Qazaqstan boks federasııasynyń baspasóz qyzmeti. «Bul tek 2016 jyldaǵy ǵana emes, sondaı-aq áıelder boksynyń 15 jyldyq tarıhyndaǵy úzdik chempıonat, - dedi AIBA áıelder komıssııasynyń tóraǵasy Djoıs Boýen. - Men Qazaqstannyń barlyq qatysýshylarǵa degen qonaqjaılyǵyna, uıymdastyrýshylyq deńgeıine tánti boldym. Qazaqstan boks federasııasynyń osy nagradamen marapattalǵanyna qýanyshtymyn. Basqa da ulttyq federasııalarǵa úlgi bolatynyna senimdimin». Jyl qorytyndysy boıynsha О́zbekstannan álem chempıony Hasanboı Dýsmatov pen Ulybrıtanııadan Nıkola Adams úzdik boksshy dep tanyldy. AIBA bıylǵy jyly jańa syılyqty «ańyzǵa aınalǵan boksshylar» - Legends Award bekitti. Atalmysh syılyqqa Brahım Aslým, Vladımır Klıchko men Merı Kom ıe boldy. Marapattaý saltanatyna Qazaqstannan AIBA vıse-prezıdentteri Tımýr Qulybaev, Serik Qonaqbaev, QBF atqarýshy dırektory Bekjan Bektenov, QBF halyqaralyq baılanys jónindegi úılestirýshi Dınara Bolatbekqyzy qatysty.