IRENA agenttigi EKSPO-2017 kórmesine qatysady

EKSPO-2017 halyqralyq mamandandyrylǵan kórmesiniń komıssary Rapıl Joshybaev BAÁ-de (Ábý-Dabı) jańǵyrtylatyn energııa kózderi halyqaralyq agenttiginiń (IRENA) bas dırektory Adnan Amınmen kezdesti. Bul týraly EKSPO-2017 komıssarynyń baspasóz qyzmeti habarlady. Amınmen áńgime barysynda taraptar Qazaqstannyń IRENA-men ózara is-qımylynyń jaǵdaıy men perspektıvalaryn, onyń ishinde kórmege qatysýy jáne kórme taqyrybyn iri halyqaralyq alańdarǵa keshendi jyljytý máselesin talqylady. Qazaqstandyq komıssar áńgimelesýshisin QR Prezıdentiniń álemdik qaýymdastyq qoldaǵan ornyqty damý salasyndaǵy jahandyq bastamalary týraly habardar etti. Taraptar EKSPO-2017 aıasynda Astanada 2017 jylǵy 11-14 maýsymda ótetin BUU Eýropalyq ekonomıkalyq komıssııasynyń mınıstrlik konferensııasynyń formatynda IRENA paneldik sessııasyn ótkizý, qazaqstandyq mamandardyń IRENA Hatshylyǵynda taǵylymdamadan ótýin uıymdastyrý múmkindigin talqylady. О́z kezeginde, Amın IRENA maqsatyn kórmeniń «Bolashaq energııasy» taqyrybymen logıkalyq biriktirýge múmkindik beretin jańartylǵan energııa salasyndaǵy tehnologııalyq ınnovasııany tanystyrý josparyn esepke alyp, IRENA kórmege qatysýǵa múddeli ekendigin atap ótti. Kezdesý qorytyndysy boıynsha Joshybaev pen IRENA seksııasynyń komıssary Muhammed ál-Farnavanı kórmege qatysý shartyna qol qoıdy.